26/11 : आरोपी तहव्वूर राणाला भारतात आणण्याची प्रतीक्षाच; अमेरिकेतील कोर्टात काय झाल्या घडामोडी 

26/11 च्या मुंबई दहशतवादी हल्ल्यातील आरोपी आणि पाकिस्तानी वंशाचा व्यापारी तहव्वूर राणा याच्या भारताकडे प्रत्यार्पणाविरोधात याचिका दाखल करण्यासाठी अमेरिकेच्या न्यायालयाने आणखी वेळ दिला आहे. 2 ऑगस्ट रोजी अमेरिकन शहर कॅलिफोर्नियाच्या सेंट्रल डिस्ट्रिक्टचे युनायटेड स्टेट्सचे जिल्हा न्यायाधीश डेल एस. फिशर यांनी राणाची हेबियस कॉर्पस रिट याचिका फेटाळली होती. या आदेशाविरोधात त्याने नवव्या सर्किट कोर्टात अपील केले होते की, सुनावणी होईपर्यंत त्याला भारताच्या ताब्यात देऊ नये. याबाबत जिल्हा न्यायाधीश दाढे एस. फिशर यांनी नवीन आदेश जारी केला. ते म्हणाले की, राणाच्या प्रत्यार्पणाला स्थगिती देण्याची मागणी करणाऱ्या अर्जाला परवानगी आहे. राणाच्या प्रत्यार्पणाला स्थगिती देऊ नये, या सरकारच्या शिफारशीही त्यांनी फेटाळून लावल्या. मात्र राणाच्या नवव्या सर्किट कोर्टासमोरील अपील पूर्ण होईपर्यंत प्रलंबित असलेल्या राणाच्या भारतातील प्रत्यार्पणाला स्थगिती असल्याचे न्यायाधीशांनी सांगितले होते. (26/11)

(हेही वाचा – Wankhede Stadium : पंतप्रधान मोदी यांची हत्या करण्याची भाषा; वानखेडे स्टेडियम उडवण्याचीही धमकी; मुंबई पोलिस सतर्क )

नवव्या सर्किट कोर्टाने राणाची बाजू मांडण्यासाठी आणखी वेळ देण्याची विनंती मान्य केली होती. त्यावर न्यायालयाने सुरुवातीला 10 ऑक्टोबरची मुदत दिली होती. अमेरिकन सरकारला 8 नोव्हेंबरपर्यंत उत्तर देण्यास सांगण्यात आले होते. न्यायालयाच्या नव्या आदेशानुसार राणा यांना 9 नोव्हेंबर रोजी न्यायालयासमोर आपला युक्तिवाद सादर करायचा आहे. सरकारला 11 डिसेंबरपर्यंत आपली भूमिका मांडायची आहे. (26/11)

काय आहे प्रकरण ?

26 नोव्हेंबर 2008 रोजी मुंबईतील प्राणघातक दहशतवादी हल्ल्यातील त्याच्या भूमिकेबद्दल भारताने केलेल्या प्रत्यार्पणाच्या विनंतीनंतर राणाला अमेरिकेत अटक करण्यात आली होती. भारताची राष्ट्रीय तपास यंत्रणा (NIA) 2008 मध्ये पाकिस्तानस्थित लष्कर-ए-तैयबाच्या दहशतवाद्यांनी केलेल्या 26/11च्या हल्ल्यातील राणाच्या भूमिकेची चौकशी करत आहे. राणाला भारतात आणण्यासाठी राजनैतिक अधिकाऱ्यांच्या माध्यमातून कार्यवाही सुरू करण्यास तयार असल्याचे एनआयएने म्हटले आहे. भारताने 10 जून 2020 रोजी प्रत्यार्पणाच्या उद्देशाने 62 वर्षीय राणाच्या तात्पुरत्या अटकेसाठी तक्रार दाखल केली होती. राणाच्या भारतात प्रत्यार्पणाला बायडेन प्रशासनाने पाठिंबा दिला होता. (26/11)

पाकिस्तानस्थित लष्कर-ए-तोयबाच्या अतिरेक्यांनी 26 नोव्हेंबर 2008 राेजी मुंबईवर हल्ला केला होता. त्यात एकूण 166 जणांचा बळी गेला होता. या हल्ल्यातील राणा सहभागी आहे, त्याला प्रत्यार्पित करण्याच्या मागणीनंतर अमेरिकेत राणाला अटक झाली होती.

हेही पहा –