देशातील सर्वात मोठ्या बँक घोटाळ्यातील आरोपी डीएचएफएल (DHFL) कंपनीचे संचालक धीरज वाधवान आणि कपिल वाधवान यांची ७०.३९ कोटींची मालमत्ता अंमलबजावणी संचालनालयाने (ED) ने तात्पुरत्या स्वरूपात जप्त केली आहे.वाधवान बंधू हे सध्या तुरुंगात आहे. (DHFL Bank Scam)
अंमलबजावणी संचालनालयाने (ED) दिलेल्या माहितीनुसार डीएचएफएलचे संचालक कपिल वाधवन आणि धीरज वाधवन यांच्या मालकीचे ७०.३९ कोटीची मालमत्ता मनी लॉन्ड्रिंग प्रतिबंध कायदा, २००२ (PMLA) च्या तरतुदींनुसार तात्पुरत्या स्वरूपात संलग्न मालमत्ता जप्त केली आहे. त्यात २८.५८ कोटींचे संलग्न मालमत्ता, ५ कोटींचे घड्याळे, घड्याळे, १०.७१ कोटींचे हिरेजडित दागिने, ९ कोटींचे हेलिकॉप्टरमधील २० टक्के स्टेक आणि १७.१० कोटी रुपयांच्या वांद्रे येथील दोन फ्लॅट्स समावेश आहे. (DHFL Bank Scam)
डीएचएफएलचे संचालक कपिल वाधवन आणि धीरज वाधवन विरुद्ध भारतीय दंड संहिता आणि पीसी ऍक्ट, १९८८ च्या विविध कलमांखाली सीबीआयने नोंदवलेल्या गुन्ह्यांच्या आधारे ईडीने तपास सुरू केला. डीएचएफएल (DHFL) आणि इतर १७ बँकांच्या कन्सोर्टियमची ३४ हजार ६१५ कोटी रुपयांचा घोटाळा प्रकरणात कपिल वाधवन आणि धीरज वाधवन या डीएचएफएलचे दोन्ही संचालक आणि इतर आरोपींनी युनियन बँक ऑफ इंडिया (UBI) च्या नेतृत्वाखालील १७ बँकांच्या कन्सोर्टियमची फसवणूक करण्याचा गुन्हेगारी कट रचला असल्याचे ईडीच्या तपासात उघड झाले आहे. कपिल वाधवन आणि इतरांनी कंसोर्टियम बँकांना ४२.८७१.४२ कोटी रुपयांची मोठी कर्जे मंजूर करण्यास प्रवृत्त केले होते. (DHFL Bank Scam)
(हेही वाचा – Lalit Patil : ललित पाटील ३०० कोटी ड्रग्ज प्रकरण; मुंबईतील ड्रग्ज सप्लायरची धरपकड सुरू)
ईडीच्या तपासात हे देखील समोर आले की, उघड झाले आरोपींनी निधीच्या महत्त्वपूर्ण भागाचा गैरवापर केला आणि त्या कन्सोर्टियम बँकांच्या कायदेशीर थकबाकीची परतफेड करण्यात अप्रामाणिकपणे चूक केली, ज्यामुळे ३४.६१५ कोटी रुपयांचे कंसोर्टियम कर्जदारांना नुकसान झाले. या पूर्वी ईडीने वाधवन बधुंची ५० कोटी रुपयांची मालमत्ता जप्त केली होती. येस बँक डीएचएफएल फसवणूक प्रकरणात कपिल वाधवान आणि धीरज वाधवन यांना अटक केली आहे जे अद्याप न्यायालयीन कोठडीत आहेत. ईडीने वाधवानांची ५ कोटी रुपयांची वाहनेही तसेच १२.५९ कोटींची मालमत्ता देखील यापूर्वी जप्त केली आहेत. (DHFL Bank Scam)
हेही पहा –
Join Our WhatsApp Community