गुजरातच्या अहमदाबादमधील घृणास्पद कृत्य (Ahmedabad Viral Video) समोर आलं आहे. मृत पावलेल्या एका भटक्या कुत्र्याला गाडीच्या मागे बांधून फरफटत नेल्याचे या व्हिडीओत दिसत आहे. शनिवारी एक्सवर अनेकांनी हा व्हिडीओ शेअर केलेला आहे. सदर घटना गुजरातच्या अहमदाबाद येथील असल्याचे सांगितले जात आहे. (Ahmedabad Viral Video)
पेटा संघटनेने घेतली दखल
एका एक्सयुव्ही वाहनाच्या मागे भटक्या कुत्र्याला बांधलेले दिसत आहे. सदर वाहन महामार्गावरून या कुत्र्याला फरफटत घेऊन जाताना दिसत आहे. कुणीतरी मागच्या गाडीतून हा व्हिडीओ काढला, ज्यामुळे हे प्रकरण उजेडात आले. अहमदाबादमधील नेमक्या कोणत्या ठिकाणी हा प्रकार घडला, याची माहिती अद्याप हाती आलेली नाही. पेटा या संघटनेने या प्रकाराची दखल घेतल्यानंतर पोलीस पुढील तपास करत आहेत. (Ahmedabad Viral Video)
हेल्पलाईन नंबरवर संपर्क साधण्याचे आवाहन
अहमदाबाद में इंसानियत भूल गया शख्स…
मरे हुए #Dog को इस तरह गाड़ी से बांध घसीटकर ले जाना कितना उचित है?
Shame 😡#Ahmedabad @PetaIndia pic.twitter.com/3CZAf2DbPq
— Kaushik Kanthecha (@Kaushikdd) June 22, 2024
शनिवारी अनेकांनी हा व्हिडीओ विविध सोशल मीडिया साईटवर पुन्हा पुन्हा शेअर करत वाहनचालकावर कडक कारवाई करावी, अशी मागणी केली. तसेच या घटनेमुळे पुन्हा एकदा प्राण्यांविरोधातील क्रूरतेविषयी देशात एक चांगला कायदा असावा, अशीही मागणी पुन्हा एकदा पुढे येत आहे. विशेष म्हणजे कौशिक कंठेचा यांनी टाकलेल्या पोस्टने पेटा (पीपल फॉर द एथिकल ट्रीटमेंट ऑफ ॲनिमल्स) या प्राणीमित्र संघटनेनेही लक्ष वेधले आहे. पेटाने या पोस्टला रिप्लाय देत असताना त्यांच्या हेल्पलाईन नंबरवर संपर्क साधण्याचे आवाहन करून या घटनेची योग्य माहिती देण्यास सांगितले आहे. (Ahmedabad Viral Video)
हेही पहा –
Join Our WhatsApp Community