Allu Arjun Arrested : ‘पुष्पा 2’ फेम अभिनेता अल्लू अर्जुनला अटक !

‘पुष्पा 2’ (Pushpa 2) (Allu Arjun Arrested) हा चित्रपट जगभरातील चित्रपटगृहांमध्ये धुमाकूळ घालत आहे. दरम्यान, अल्लू अर्जुनवर हैदराबाद पोलिसांनी मोठी कारवाई केली आहे. पोलिसांनी अभिनेता अल्लू अर्जुनला अटक केली आहे. मीडिया रिपोर्ट्सनुसार, चिक्कडपल्ली पोलिस स्टेशनचे एक पथक हैदराबादच्या जुबली हिल्समध्ये अल्लू अर्जुनच्या घरी पोहोचले, जिथे त्याला अटक करण्यात आली आहे. आता त्याची चौकशी केली जाणार आहे. (Allu Arjun Arrested)

या घटनेबाबत पोलिसांनी अल्लू अर्जुन आणि थिएटर व्यवस्थापनाविरुद्ध गुन्हा दाखल केला होता. आता याप्रकरणी अल्लू अर्जुनला अटक करण्यात आली आहे. मीडिया रिपोर्ट्सनुसार, अभिनेता, त्याची सुरक्षा टीम आणि थिएटर मॅनेजमेंटविरुद्ध भारतीय दंड संहिता (IPC) च्या कलम 105 आणि 118 (1) अंतर्गत गुन्हा दाखल करण्यात आला आहे. (Allu Arjun Arrested)

नेमकं प्रकरण काय ?
4 डिसेंबरला चित्रपटाच्या प्रदर्शनादरम्यान थिएटरमध्ये चेंगराचेंगरी झाली होती, त्यात एका 35 वर्षीय महिलेचा मृत्यू झाला होता. अल्लू अर्जुन त्याचा चित्रपट पाहण्यासाठी थिएटरमध्ये येणार असल्याचे सांगण्यात आले. अशा परिस्थितीत आपल्या आवडत्या स्टारला पाहण्यासाठी चाहत्यांची मोठी गर्दी थिएटरबाहेर पोहोचली. जमावाला नियंत्रणात आणण्यासाठी पोलिसांना लाठीचार्जही करावा लागला. या गर्दीला भेटण्यासाठी अल्लू अर्जुन अखेर पोहोचला. अभिनेत्याला पाहण्यासाठी लोकांनी धाव घेतली आणि चेंगराचेंगरी झाली. या प्रसंगाचे अनेक व्हिडिओ हैदराबादमधूनही समोर आले होते, ज्यामध्ये अल्लूच्या कारभोवती लोकांची गर्दी जमलेली दिसत होती. (Allu Arjun Arrested)

या गर्दीत एक बालक बेशुद्ध झाला होता. तर एका ३५ वर्षीय महिलेचा मृत्यू झाला होता. ‘पुष्पा 2’ पाहण्यासाठी ही महिला कुटुंबासह आली होती. काही दिवसांनी अल्लू अर्जुनने व्हिडिओ शेअर केला आहे. या संपूर्ण प्रकरणावर त्यांनी पत्रकार परिषदेत आपली प्रतिक्रियाही दिली. अल्लू अर्जुन म्हणाला होता, ‘संध्या थिएटरमध्ये जी दुर्घटना घडली ती घडायला नको होती. मी संध्याकाळी थिएटरमध्ये गेलो. मी संपूर्ण सिनेमा पाहू शकलो नाही, कारण त्याच क्षणी माझ्या मॅनेजरने मला सांगितले की, खूप गर्दी आहे, आपण येथून निघून जावे. मग दुसऱ्या दिवशी सकाळी संपूर्ण प्रकरण मला समजले. मला धक्काच बसला. या संपूर्ण प्रकरणाने सुकुमार सरही खूप नाराज आहेत. आम्ही कुटुंबाच्या पाठिशी उभे आहोत. आम्ही कुटुंबाला 25 लाख रुपये दिले आहेत. त्याला थोडा वेळ देण्यात आला आहे, जेणेकरून तो या वेदनातून बाहेर पडू शकेल. काही दिवसांनी मी जाऊन संपूर्ण कुटुंबाला भेटेन. आम्ही सदैव कुटुंबासोबत राहू आणि त्यांना पाठिंबा देऊ.’ असं अल्लू अर्जुन म्हणाला होता. (Allu Arjun Arrested)

हेही पहा-