Byju : बायजूचे सीईओ रवींद्रन यांच्या विरोधात लुकआउट नोटीस

अंमलबजावणी संचालनालयाने (ईडी) गेल्या महिन्यात बायजूज (Byju) या एडटेक कंपनीचे संस्थापक आणि मुख्य कार्यकारी अधिकारी रवींद्रन यांच्यासाठी एक लुकआऊट परिपत्रक जारी केले होते. ज्यात त्यांनी भारताबाहेर जाण्याचा प्रयत्न केल्यास केंद्रीय तपास संस्थेला कळवण्याचे आदेश इमिग्रेशन ब्युरोकडे दिले होते.

(हेही वाचा – Manoj Jarange Patil : जरांगे पाटील शरद पवारांचा माणूस; त्यांच्याच इशाऱ्यावर वागत आहे; बावसकर यांच्यानंतर आता संगीता वानखेडे यांचा आरोप)

परकीय चलन व्यवस्थापन कायदा १९९९ चे उल्लंघन –

ईडीच्या बंगळुरू (Byju) विभागीय कार्यालयाने इमिग्रेशन संस्थेला पत्र लिहिल्यानंतर एलओसी जारी करण्यात आली, असे एजन्सीच्या एका सूत्राने सांगितले. सरकारी तिजोरीत ९३६२.३५ कोटी रुपये पाठवून परकीय चलन व्यवस्थापन कायदा १९९९ चे उल्लंघन केल्याच्या आरोपाखाली ईडीची चौकशी सुरू आहे.

समन्सला उत्तर देण्यासाठी रवींद्रनकडून टाळाटाळ –

एजन्सीने (Byju) गेल्या वर्षी एप्रिलमध्ये रवींद्रनच्या घरासह बायजूची मूळ कंपनी थिंक अँड लर्न प्रायव्हेट लिमिटेडशी संबंधित तीन ठिकाणांवर छापे टाकले होते. फेमा नियमांच्या कथित उल्लंघनाबाबतच्या तक्रारींच्या आधारे सुरू झालेल्या तपासात सहभागी होण्यास सांगणाऱ्या विविध समन्सना रवींद्रन टाळाटाळ करत असल्याचे ईडीने म्हटले आहे.

ED issues look out notice against entrepreneur, investor and educator Byju Raveendran: Sources

— ANI (@ANI) February 22, 2024

(हेही वाचा – Water Cut : पश्चिम उपनगरातील पुढचे १५ दिवस राहणार १० टक्के पाणी कपात )

जाहिरात आणि विपणन खर्चात सुमारे ९४४ कोटी रुपये खर्च –

आर्थिक वर्ष २०२०-२१ साठी बायजूने लेखापरीक्षित आर्थिक विवरण तयार केले नाही आणि २०११ ते २०२३ दरम्यान थेट परकीय गुंतवणूक (एफडीआय) म्हणून सुमारे २८ हजार कोटी रुपये प्राप्त केले, तर परदेशी थेट गुंतवणूकीच्या नावाखाली सुमारे ९,७५४ कोटी रुपये पाठवले. (Byju) केंद्रीय एजन्सीने पुढे सांगितले की बायजूने जाहिरात आणि विपणन खर्चात सुमारे ९४४ कोटी रुपये खर्च केले, ज्यापैकी काही परदेशात गेले.

(हेही वाचा – मुंबईच्या विकासात योगदान देणाऱ्या १८ विभूतींच्या अर्धाकृती पुतळ्याचे JP Nadda यांच्या हस्ते लोकार्पण)

कंपनीने केले फेमा नियमांचे उल्लंघन –

गेल्या वर्षी नोव्हेंबरमध्ये, ईडीने रवींद्रन (Byju) आणि त्यांच्या कंपनीला कारणे दाखवा नोटीस बजावली होती, कारण त्यांनी फेमा नियमांचे उल्लंघन केले होते. कंपनी प्राप्त झालेल्या थेट परकीय गुंतवणुकीसह भारताबाहेरील आगाऊ प्रेषणासाठी आयातीची कागदपत्रे सादर करू शकली नव्हती आणि थेट परकीय गुंतवणुकीच्या रूपात प्राप्त झालेल्या निधीच्या बदल्यात समभागांचे वाटप करण्यातही कंपनी अपयशी ठरली होती.

हेही पहा –