कोलकात्यातील (Kolkata Crime) दुसऱ्या एका रुग्णालयात महिलेची छेडछाड झाल्याचा प्रकार समोर आला आहे. याप्रकरणी कोलकाता पोलिसांनी एका आरोपीला अटक देखील केली आहे. पीडितेने तिच्या तक्रारीत म्हटलं आहे की, आरोपी वॉर्डबॉयने आधी त्या महिलेचा झोपलेल्या अवस्थेत व्हिडीओ चित्रीत केला. त्यानंतर तिच्यावर अतिप्रसंग करण्याचा प्रयत्न केला. पीडितेच्या तक्रारीनंतर वॉर्डबॉयला अटक केली आहे.
(हेही वाचा-Vande Metro Train: वंदे मेट्रो ट्रेनचं नाव बदलणार, काय आहे नवीन नाव?)
पोलिसांनी या प्रकरणाची माहिती देताना सांगितलं की, पीडित महिलेच्या मुलावर रुग्णालयात उपचार चालू आहेत. रात्री आई तिच्या मुलाच्या शेजारी झोपली होती. त्याचवेळी रुग्णालयातील एका वॉर्डबॉयने झोपेत असलेल्या महिलेवर अतिप्रसंग करण्याचा प्रयत्न केला. वॉर्ड बॉयने तिला स्पर्श केला, हे करत असताना आरोपी एका हातात फोन घेऊन व्हिडीओ शूट करत होता. (Kolkata Crime)
(हेही वाचा-देश आत्मनिर्भर बनवण्यासाठी शेतकरी आणि मजूर यांच्या बळकटीकरणाची आवश्यकता – Nitin Gadkari)
महिलेच्या तक्रारीनुसार पोलिसांनी भारतीय दंड संहितेच्या वेगवेगळ्या कलमांतर्गत आरोपीविरोधात गुन्हा दाखल केला. त्यानंतर पोलिसांनी २६ वर्षीय आरोपीला अटक केली. आरोपी हा मूळचा त्रिपुराचा रहिवासी असून सध्या दक्षिण परगना जिल्ह्यातील सुभाषग्राममध्ये राहत आहे. (Kolkata Crime)
हेही पहा-
Join Our WhatsApp Community