छत्तीसगडमधील दंतेवाडा (Dantewada in Chhattisgarh) आणि बिजापूर जिल्ह्यांच्या सीमा भागात सुरक्षा दल आणि नक्षलवाद्यांमध्ये चकमक सुरू आहे. या चकमकीत सुरक्षा दलांनी आतापर्यंत ९ नक्षलवाद्यांचा खात्मा (9 Annihilation of Naxalites) केला आहे. घटनास्थळावरून नक्षलवाद्यांच्या मृतदेहासोबत एसएलआर, ३०३ आणि १२ बोअरची शस्त्रेही जप्त करण्यात आली आहेत. (Naxalite Attack)
सकाळपासून अधूनमधून गोळीबार सुरू आहे
मिळालेल्या माहितीनुसार, पश्चिम बस्तर विभागात माओवाद्यांच्या उपस्थितीची माहिती मिळाल्यानंतर पोलिसांचे संयुक्त पथक शोध मोहिमेवर निघाले होते. मंगळवारी सकाळी १०:३० वाजता शोध सुरू असताना पोलिस दलाचा ०२ च्या नक्षलवाद्यांशी सामना झाला. त्यानंतर दोन्ही बाजूंनी गोळीबार सुरू झाला. या चकमकीत सुरक्षा दलांनी नक्षलवाद्यांना चोख प्रत्युत्तर देत ९ नक्षलवाद्यांचा खात्मा केला. घटनास्थळावरून नक्षलवाद्यांच्या मृतदेहासोबतच शस्त्रेही जप्त करण्यात आली आहेत. नक्षलवाद्यांविरोधात सुरक्षा दलांची कारवाई सुरूच आहे.
(हेही वाचा – kharkhoda haryana : हरियाणातील खरखोडा गावाच्या प्रगतीचे काय आहे वैशिष्ट्य?)
काय म्हणाले दंतेवाडा एसपी ?
दंतेवाडा एसपी गौरव राय यांनी सांगितले की, नक्षलवाद्यांचे मृतदेह सापडले आहेत. परिसरात अजूनही शोधमोहीम सुरू आहे. चकमकीत सहभागी असलेले सर्व सुरक्षा दल सुरक्षित आहेत. तसेच पुरंगेल, लोहा गाव परिसरात नक्षलवादी असल्याची माहिती मिळाली होती. हा परिसर बैलाडीला डोंगराच्या पायथ्याशी आहे. माहितीवरून डीआरजी आणि सीआरपीएफचे जवान रात्री शोध मोहिमेसाठी बाहेर पडले होते. सुरक्षा दलांना नक्षलवाद्यांनी पाहताच गोळीबार सुरू केला.
हेही पाहा –
Join Our WhatsApp Community