सुभाषचंद्र बोस यांच्यावर Rahul Gandhi यांची वादग्रस्त पोस्ट; असं काय लिहिलं की दाखल केला FIR

लोकसभेतील विरोधी पक्षनेते राहुल गांधी (Rahul Gandhi) यांनी २३ जानेवारी रोजी सोशल मीडियावर नेताजी सुभाषचंद्र बोस यांना अभिवादन करणारी पोस्ट केली होती. या पोस्टमध्ये जन्म तारखेचा चुकीचा उल्लेख केल्यासंबंधी पोलीस ठाण्यात तक्रार देण्यात आली होती. संबंधित प्रकरणी आता पोलिसांनी राहुल गांधींविरोधात FIR दाखल केला आहे. (Rahul Gandhi)

२३ जानेवारी २०२५ रोजी राहुल गांधींनी नेताजी सुभाषचंद्र बोस यांना अभिवादन करणारी पोस्ट केली. विरोधी पक्षनेते राहुल गांधी यांनी नेताजी सुभाषचंद्र बोस यांच्या जयंतीदिनी पोस्ट शेअर केली होती. त्यामध्ये त्यांचा मृत्यू १८ ऑगस्ट १९४५ रोजी झाल्याचा उल्लेख केला आहे. याच दिवशी नेताजी सुभाषचंद्र बोस यांचे विमान ताइहोकू (आता ताईपे, तैवानची राजधानी) येथे दुर्घटनाग्रस्त झाले होते. नेताजी सुभाषचंद्र बोस यांचा मृत्यू कोणत्या तारखेला झाला, याबद्दल निश्चित माहिती नाही. ते बेपत्ता झाल्यानंतर स्थापन करण्यात आलेल्या आयोगालाही त्यांच्या मृत्यूच्या तारखेबद्दल निश्चित माहिती मिळाली नाही. अशी पोस्ट राहुल गांधी यांनी केली होती. त्यानंतर संबंधित प्रकरणी दक्षिण कोलकाता येथिल भवानीपूर पोलीस ठाण्यात राहुल गांधींविरोधात FIR दाखल करण्यात आला आहे.

(हेही वाचा – Pune News : पुणे विभागाच्या मद्यपान तपासणी मोहिमेअंतर्गत तीन एसटी चालकांचे निलंबन)

राहुल गांधींच्या पोस्टवर आक्षेप घेत भारतीय हिंदू महासभेचे (Hindu Mahasabha of India) प्रदेशाध्यक्ष चंद्रचूड गोस्वामी (Chandrachud Goswami) म्हणाले की, “राहुल गांधी तोच वारसा पुढे चालवत आहे, ज्याने नेताजी सुभाषचंद्र बोस यांना आधी काँग्रेस आणि नंतर देश सोडायला भाग पाडले. राहुल गांधी आणि त्यांच्या कुटुंबाने नेहमीच नेताजी सुभाषचंद्र बोस यांच्या स्मृती पुसण्याचा प्रयत्न केला आहे. यावेळीही त्यांनी नेताजी सुभाषचंद्र बोस यांच्याबद्दल चुकीची माहिती दिली आहे.”

(हेही बाचा – केंद्रीय मंत्री Amit Shah महाकुंभमेळ्यात होणार सहभागी; संगमावर करणार स्नान )

तसेच या पोस्टमुळे राहुल गांधी यांच्यावर ऑल इंडिया फॉरवर्ड ब्लॉकनेही (All India Forward Block) टीका केली आहे. ही ती संघटना आहे, जिची स्थापना नेताजी सुभाषचंद्र बोस (Netaji Subhash Chandra Bose) यांनी काँग्रेसमधून बाहेर पडल्यावर केली होती. ममता बॅनर्जी यांच्या तृणमूल काँग्रेस आणि भाजपानेही (BJP) राहुल गांधींवर या पोस्टवरून टीका केली आहे.

हेही पाहा –