भारतातील ३०० पेक्षा जास्त बँकांच्या पेमेंट सेवेवर परिणाम करणारी घटना घडली आहे. बँकांच्या सर्व्हरमध्ये रॅन्समवेअर व्हायरसने प्रवेश केल्यामुळे भारतातील स्थानिक बँकाना पेमेंट प्रक्रिया थांबवावी लागली आहे. माहितीनुसार, जवळपास ३०० बँकांना C- Edge Technologies नावाची कंपनी सेवा पुरवते. या कंपनीवर सायबर हल्ला झाला आहे. त्यामुळे नॅशनल पेमेंट कॉर्पोरेशन ऑफ इंडिया (NPCI) ने सध्या या कंपनीच्या कामावर तात्पुरती बंदी घातली आहे. (Ransomware Attacks on bank)
या सायबर हल्ल्याचा फटका सहकारी बँका आणि ग्रामीण प्रादेशिक बँकांच्या ग्राहकांना बसला आहे. जे एसबीआय आणि टीसीएसच्या संयुक्त उपक्रम सी-एज टेक्नॉलॉजीजवर अवलंबून आहेत. त्यामुळे ग्राहकांना एटीएममधून पैसे काढता येत नाहीत. त्याचबरोबर UPI द्वारे रक्कम ट्रान्सफर करताना अडचणी येत आहेत. या संदर्भात रिझर्व्ह बँक ऑफ इंडिया (RBI) आणि सॉफ्टवेअर कंपनीकडून कोणतेही विधान आलेले नाही किंवा अद्याप कोणतेही आर्थिक नुकसान झाले नाही. (Ransomware Attacks on bank)
(हेही वाचा – Musical Instruments : हरिभाऊ विश्वनाथ वाद्यपेढी बंद होणार ही अफवा)
सी-एज टेक्नॉलॉजीजला रॅन्समवेअर हल्ल्याचा फटका: NPCI
नॅशनल पेमेंट कॉर्पोरेशन ऑफ इंडिया (NPCI), पेमेंट सिस्टमची देखरेख करणारी संस्था, सोशल मीडिया प्लॅटफॉर्मवर नोटीस जारी केली आहे
NPCI नुसार, ‘सायबर हल्ल्यामुळे, C-Edge ला NPCI द्वारे संचालित रिटेल पेमेंट सिस्टममधून तात्पुरते अलग ठेवण्यात आले आहे. सी-एज टेक्नॉलॉजीच्या सहकार्याने काम केले जात आहे.
NPCI म्हणाले, ‘या बँकांच्या पेमेंट सिस्टमच्या सुरक्षेचा आढावा घेतला जात आहे. C-Edge वरून सेवा घेणारे बँक ग्राहक विलगीकरणा दरम्यान पेमेंट सिस्टममध्ये प्रवेश करू शकणार नाहीत.
(हेही वाचा – Crime : गोवंडीतून १६२ चोरीच्या मोबाईलसह ५ जणांना अटक; चोरीचे मोबाईल जातात कुठे?)
गेल्या दोन दिवसांपासून पेमेंट सिस्टममध्ये समस्या
वृत्तसंस्थेच्या वृत्तानुसार, इंडियन नॅशनल कोऑपरेटिव्ह युनियनचे अध्यक्ष दिलीप संघानी यांनी सांगितले की, गुजरातच्या १७ जिल्हा सहकारी बँकांसह देशभरातील सुमारे ३०० बँकांना गेल्या दोन-तीन दिवसांपासून पेमेंट संबंधित समस्यांचा सामना करावा लागत आहे. ते म्हणाले, ‘२९ जुलैपासून बँका अडचणीत आहेत आणि सॉफ्टवेअर कंपनीचे अधिकारी याला तांत्रिक बिघाड म्हणत आहेत. तथापि, इतर बँकिंग सेवा सामान्यपणे कार्यरत आहेत. (Ransomware Attacks on bank)
या बँका देशाच्या पेमेंट नेटवर्कपासूनही विलग करण्यात आल्या होत्या
अहवालानुसार, सायबर हल्ले मोठ्या प्रमाणावर पसरू नयेत म्हणून या बँकांना देशाच्या पेमेंट नेटवर्कपासूनही वेगळे करण्यात आले आहे. यातील बहुतेक लहान बँका आहेत आणि यामुळे देशातील पेमेंट सिस्टमच्या फक्त 0.5% वर परिणाम झाला आहे.
एका अधिकाऱ्याने सांगितले की, सी-एजच्या सिस्टीममध्ये रॅन्समवेअर सापडले असून ते काढून टाकल्यानंतर थर्ड पार्टीद्वारे ऑडिट करण्यात आले आहे. नियोजनानुसार सर्वकाही घडल्यास गुरुवारी सकाळ किंवा दुपारपर्यंत यंत्रणा कार्यान्वित होईल. भारतात सुमारे १ हजार ५०० सहकारी आणि प्रादेशिक बँका आहेत, ज्या बहुतेक मोठ्या शहरांच्या बाहेर कार्यरत आहेत.
(हेही वाचा – Assembly Elections : शरद पवारांच्या अपरिहार्यतेला व्यूहरचनेचे लेबल)
रॅन्समवेअर म्हणजेच डिजिटल खंडणी
रॅन्समवेअर हा मालवेअरचा (Ransomware malware) एक प्रकार आहे, जो तुमच्या संगणकात प्रवेश करतो आणि प्रवेश मिळवतो. हे तुमच्या सर्व फाईल्स एन्क्रिप्ट करते. डेटा आणि प्रवेश परत करण्याच्या बदल्यात खंडणीची मागणी करते. सोप्या भाषेत ते अपहरण असे समजू शकते. दरोडेखोर तुमची सिस्टम आणि डेटा हस्तगत करतो आणि त्या बदल्यात खंडणीची मागणी करतो. खंडणी दिल्यानंतर, तो तुमचा डेटा परत करू शकतो किंवा तो नष्ट करू शकतो. (Ransomware Attacks on bank)
हेही पाहा –