सिक्कीममध्ये भीषण अपघात, चीन सीमेजवळ लष्कराचे वाहन खोल दरीत कोसळले; 16 जवान हुतात्मा

सिक्कीममध्ये आज शुक्रवारी भीषण अपघात झाला. सिक्कीममध्ये लष्कराचे वाहन खोल दरीत कोसळल्याने 16 लष्करी जवान हुतात्मा झाले आहेत. मिळालेल्या माहितीनुसार, ही घटना लाचेनपासून 15 किमी अंतरावर असलेल्या जेमा येथे सकाळी 8 वाजता घडली. शुक्रवारी सकाळी भारत-चीन सीमेजवळील उत्तर सिक्कीममध्ये लष्कराचे एक वाहन रस्त्यावरून घसरले आणि दरीत कोसळले. लष्कराच्या तीन वाहनांपैकी एक वाहन तीव्र उतारावरून घसराले. या अपघातात लष्कराचे 16 जवान हुतात्मा झाले तर 4 जवान गंभीर जखमी झाले आहेत.

(हेही वाचा – राज ठाकरे मुख्यमंत्री शिंदेंच्या भेटीसाठी थेट विधानभवनात, बंद दाराआड झाली चर्चा)

16 Army personnel have lost their lives, four injured in a road accident involving an Army truck at Zema, North Sikkim. The accident happened when the vehicle skidded down a steep slope while negotiating a sharp turn: Indian Army pic.twitter.com/qkulDm99Gp

— ANI (@ANI) December 23, 2022

जखमींना उत्तर बंगालमधील लष्करी रुग्णालयात दाखल करण्यात आले आहे. राज्याची राजधानी गंगटोकपासून सुमारे 130 किमी अंतरावर असलेल्या लाचेनपासून सुमारे 15 किमी अंतरावर असलेल्या झेमा येथे सकाळी 8 वाजता हा अपघात झाला असल्याचे एका वरिष्ठ पोलीस अधिकाऱ्याने सांगितले. तर हे लष्कराचे वाहन 20 जणांसह सीमा चौक्यांकडे जात होते. जेमा येथे पोहोचताच वाहन एका वळणावर रस्त्यावरून घसरले आणि शेकडो फूट खाली खोल दरीत पडले, अशी माहिती चुंगथांग उपविभागीय पोलीस अधिकारी (SDPO) अरुण थाटल यांनी दिली.

या दुर्घटनेवर शोक व्यक्त करत संरक्षण मंत्री राजनाथ सिंह यांनी हुतात्मा जवानांना श्रद्धांजली वाहिली आहे. उत्तर सिक्कीममध्ये झालेल्या एका रस्ते अपघातात भारतीय लष्कराच्या जवानांना झालेल्या प्राणहानीमुळे खूप दुःख झाले आहे. त्यांच्या सेवेबद्दल आणि वचनबद्धतेबद्दल देश मनापासून कृतज्ञ आहे. शोकग्रस्त कुटुंबांप्रती माझ्या संवेदना आहेत. जे जखमी झाले आहेत ते लवकरात लवकर बरे व्हावेत ही प्रार्थना, असे त्यांनी ट्विट केले आहे.

Deeply pained by the loss of lives of the Indian Army personnel due to a road accident in North Sikkim.

The nation is deeply grateful for their service and commitment. My condolences to the bereaved families. Praying for the speedy recovery of those who are injured.

— Rajnath Singh (@rajnathsingh) December 23, 2022