Agniveer Recruitment साठी वायुसेनेची ऑक्टोबरमध्ये परीक्षा; ‘या’ तारखेपर्यंत करता येणार अर्ज

भारतीय वायुसेने (IAF) ने अग्निपथ योजनेतंर्गत अग्निवीर भरतीसाठी अधिसूचना जारी केली आहे. अविवाहित पुरुष आणि महिला दोघेही या भरतीसाठी अर्ज करू शकतात. (Agniveer Recruitment)

भारतीय वायुसेनेमध्ये अग्निवीर वायु भर्ती २०२४ साठी अधिसूचना जारी करण्यात आली आहे. भारतीय हवाई दल (IAF) अग्निपथ योजनेअंतर्गत अग्निवीर वायुची भरती करणार आहे. यासाठी अविवाहित भारतीय पुरुष आणि महिला दोघेही अर्ज करू शकतात. इच्छुक उमेदवार ८ जुलैपासून agnipathvayu.cdac.in या अधिकृत वेबसाइटद्वारे IAF अर्ज करू शकतात. IAF अग्निवीर अर्ज भरण्यासाठी उमेदवाराला ५५० रुपये अर्ज शुल्क भरावे लागेल. IAF अग्निवीर एअर रिक्रूटमेंट २०२४ साठी अर्ज प्रक्रिया ८ जुलैपासून सुरू होईल आणि २८ जुलै रात्री ११ वाजेपर्यंत सुरू राहणार आहे. १८ ऑक्टोबर २०२४ रोजी परीक्षा होणार आहे. (Agniveer Recruitment)

(हेही वाचा – Mumbai local : मुंबईकरांसाठी आनंदाची बातमी! मध्य रेल्वे आता धावणार ‘टाइम टू टाइम’)

IAF अग्निवीर २०२४ भरती : वयोमर्यादा

३ जुलै २००४ ते ३ जानेवारी २००८ दरम्यान जन्मलेले उमेदवार (दोन्ही तारखांसह) यासाठी अर्ज करू शकतात. नावनोंदणीच्या तारखेला उच्च वयोमर्यादा २१ वर्षे असावी. (Agniveer Recruitment)

IAF अग्निवीर २०२४ भर्ती : आवश्यक पात्रता

मान्यताप्राप्त शालेय शिक्षण मंडळातून गणित, भौतिकशास्त्र आणि इंग्रजीमध्ये बारावी किंवा समकक्ष परीक्षा उत्तीर्ण असणे आवश्यक आहे. १२वीला एकूण किमान ५०% गुण आणि इंग्रजीत ५०% गुण असणे आवश्यक आहे किंवा मान्यताप्राप्त पॉलिटेक्निक इन्स्टिट्यूटमधून अभियांत्रिकी (मेकॅनिकल, इलेक्ट्रिकल, इलेक्ट्रॉनिक्स, ऑटोमोबाईल, कॉम्प्युटर सायन्स, इन्स्ट्रुमेंटेशन टेक्नॉलॉजी किंवा माहिती तंत्रज्ञान) मध्ये तीन वर्षांचा पदविका अभ्यासक्रम उत्तीर्ण केलेला असावा. एकूण ५०% गुण आणि इंग्रजीमध्ये ५०% गुण (किंवा इंटरमिजिएट/मॅट्रिक्युलेशन, डिप्लोमा कोर्समध्ये इंग्रजी विषय नसल्यास) किंवा मान्यताप्राप्त शिक्षण मंडळांकडून भौतिकशास्त्र आणि गणित यासारख्या गैर-व्यावसायिक विषयांसह दोन वर्षांचा व्यावसायिक अभ्यासक्रम पूर्ण केला आहे. व्यावसायिक अभ्यासक्रमात एकूण किमान ५०% आणि इंग्रजीमध्ये किमान ५०% गुण मिळालेले असावेत. (Agniveer Recruitment)

मान्यताप्राप्त शिक्षण मंडळांकडून भौतिकशास्त्र आणि गणित यासारख्या गैर-व्यावसायिक विषयांसह दोन वर्षांचा व्यावसायिक अभ्यासक्रम पूर्ण केलेला असावा. व्यावसायिक अभ्यासक्रमात एकूण किमान ५०% आणि इंग्रजीमध्ये किमान ५०% गुण मिळालेले असावेत. (Agniveer Recruitment)

अग्निवीरला असे मिळणार वेतन

पहिल्या वर्षी दरमहा २१ हजार मिळतील. दुसऱ्या वर्षी २३ हजार १००, तिसऱ्या वर्षी २५ हजार ५८० आणि चौथ्या वर्षी २८ हजार रुपये वेतन दरमहा मिळणार आहे. याशिवाय निवृत्तीच्या वेळेस ११ लाख ७१ हजार रुपये मिळतील. (Agniveer Recruitment)

हेही पहा –