संरक्षण संशोधन आणि विकास संस्थेने (डीआरडीओ) शुक्रवारी ओडिशाच्या किनारपट्टीवरील एकात्मिक चाचणी श्रेणी (आयटीआर) चांदीपूर येथून सॉलिड फ्यूल डक्टेड रॅमजेट (एसएफडीआर) बूस्टर तंत्रज्ञानाची नुकतीच यशस्वी चाचणी घेतली असून क्षेपणास्त्र चाचणीत DRDO ला मोठे यश आल्याचे सांगितले जात आहे.
(हेही वाचा – सॅटलाईट टॅग केलेल्या ऑलिव्ह रिडले कासवांपैकी वार्षिक हजेरी देणारी मादी सापडली)
सुपरसोनिक वेगाने हवाई धोके रोखण्यास सक्षम
या चाचणीने जटिल क्षेपणास्त्र प्रणालीमध्ये समाविष्ट असलेल्या सर्व महत्त्वपूर्ण घटकांचे विश्वसनीय कार्यप्रदर्शन यशस्वीरित्या प्रदर्शित केले आहे आणि सर्व मोहिमेची उद्दिष्टे पूर्ण केली आहेत असे डीआरडीओने सांगितले. तसेच एसएफडीआर आधारित क्षेपणास्त्राला सुपरसोनिक वेगाने हवाई धोके रोखण्यास सक्षम करते. आयटीआरने तैनात केलेल्या टेलीमेट्री, रडार आणि इलेक्ट्रो-ऑप्टिकल ट्रॅकिंग सिस्टीम (इओटीएस) सारख्या अनेक रेंज उपकरणांद्वारे कॅप्चर केलेल्या डेटावरून सिस्टमच्या कार्यक्षमतेची खात्री पटल्याचे डीआरडीओने सांगितले. एसएफडीआर हे संरक्षण संशोधन आणि विकास प्रयोगशाळा (डीआरडीएल), हैदराबाद यांनी आरसीआय, हैदराबाद आणि एचईएमआरएल, पुणे सारख्या इतर डीआरडो प्रयोगशाळांच्या सहकार्याने विकसित केले आहे.
क्षेपणास्त्र तंत्रज्ञानाच्या विकासासाठी महत्त्वाचा टप्पा
संरक्षण मंत्री राजनाथ सिंह यांनी एसएफडीआरच्या यशस्वी चाचणीबद्दल डीआरडीओचे अभिनंदन केले. यासंदर्भात राजनाथ सिंह म्हणाले की, की देशातील गंभीर क्षेपणास्त्र तंत्रज्ञानाच्या विकासासाठी हा एक महत्त्वाचा टप्पा आहे. डिझाईन, डेव्हलपमेंट आणि चाचणीमध्ये गुंतलेल्या टीम्सना पूरक म्हणून, संरक्षण संशोधन आणि विकास विभागाचे सचिव आणि डीआरडीओचे अध्यक्ष, डॉ जी सतीश रेड्डी म्हणाले की, एसएफडीआरच्या यशस्वी चाचणीमुळे, हवेतून हवेत क्षेपणास्त्रांची श्रेणी वाढवता येऊ शकते.
Join Our WhatsApp Community