गेल्या दोन-तीन वर्षांत भारतीय हवाई दलाने (Indian Air Force) 60 हजारांहून अधिक मेक इन इंडिया (Make in India) घटक तयार केले आहेत. आमच्या हवाई दलाला यापुढे दुरुस्ती आणि देखभालीसाठी परदेशातून येणाऱ्या मूळ उपकरण उत्पादकांवर अवलंबून राहण्याची गरज नाही, असे महत्त्वपूर्ण विधान वायुसेना प्रमुख एअर चीफ मार्शल व्हीआर चौधरी यांनी केले आहे.
नागपुरातील भोंसला मिलिटरी स्कूलमध्ये शनिवारी आयोजित केलेल्या एका कार्यक्रमादरम्यान आयएएफ प्रमुख पत्रकारांशी बोलत होते. ते पुढे म्हणाले की, भारतीय सशस्त्र दल हे जगातील सर्वोत्तम सैन्यांपैकी एक आहे. बदलत्या काळानुसार युद्धाच्या अगणित आव्हानांना तोंड देण्याकरिता गेल्या दोन ते तीन वर्षांत भारतीय वायुसेनेने 60,000 हून अधिक स्वदेशी घटक तयार केले आहेत. (Original Equipment Manufacturers)
(हेही वाचा – Nitin Gadkari: आपल्या दैवताचे जन्मस्थान हा भारतीयांच्या अस्मितेचा विषय, नितीन गडकरी यांचे प्रतिपादन)
महासागर आणि पृथ्वी विज्ञान मंत्रालयाचे आभार
चेन्नईच्या किनार्‍याजवळ बंगालच्या उपसागरात भारतीय हवाई दलाच्या वाहतूक विमानाच्या अवशेषाचा शोध घेताना एअर चीफ मार्शल म्हणाले, “दुर्दैवाने, यास इतका वेळ लागला पण शेवटी आम्हाला किमान खोल समुद्रातील (अन्वेषण) तंत्रज्ञानाचा शोध लागला आहे. त्यामुळे समुद्राच्या तळाशी असलेल्या अवशेषांचा शोध घेता येईल. ही सुलभ आणि अवशेष शोधण्याबाबत सक्षम यंत्रणा तयार केल्याबद्दल त्यांनी महासागर आणि पृथ्वी विज्ञान मंत्रालयाचे आभार मानले.
संरक्षण मंत्रालयाच्या म्हणण्यानुसार, 29 कर्मचारी असलेले विमान बेपत्ता झाल्यानंतर सुमारे साडेसात वर्षांनंतर, बंगालच्या उपसागरात IAF वाहतूक विमानाचे अवशेष सुमारे 3.4 किमी खोलीवर सापडले आहेत.
हेही पहा –
Join Our WhatsApp Community