Punjab News : भारतीय हद्दीत घुसलेला पाकिस्तानी घुसखोर ठार; पाकिस्तानने मागितला नाही मृतदेह

पंजाबमधील (Punjab News) अमृतसर जिल्ह्यात आंतरराष्ट्रीय सीमेवर सीमा (Indian territory ) सुरक्षा दलाच्या (बीएसएफ) (BSF) जवानांनी एका संशयित पाकिस्तानी घुसखोराला ठार केले आहे. रात्री आणि धुक्याचा फायदा घेत घुसखोराने भारतीय हद्दीत प्रवेश केला होता. संशयास्पद हालचाली पाहून बीएसएफ जवानांना गोळीबार करावा लागला. अद्यापपर्यंत पाकिस्तानकडून मृतदेह परत करण्याची कोणतीही मागणी करण्यात आलेली नाही. (Punjab News)

संशयास्पद हालचाली लक्षात येताच गोळीबार
बीएसएफच्या प्रवक्त्याने दिलेल्या माहितीनुसार, ही घटना अमृतसरच्या सीमेला लागून असलेल्या महावा गावाजवळ घडली. रात्रीच्या वेळी बीएसएफचे जवान आंतरराष्ट्रीय सीमेवर लावण्यात आलेल्या कुंपणाजवळ गस्त घालत होते. यावेळी काही जवानांना संशयास्पद हालचाली दिसल्या. शिपाई सावध झाले. त्याला पाहून शिपायांनी हाक मारून थांबवण्याचा प्रयत्न केला. पण घुसखोराने आधी लपण्याचा प्रयत्न केला आणि नंतर हळू हळू कुंपणाजवळ येऊ लागला. संशयास्पद हालचाली लक्षात येताच जवानांनी गोळीबार केला. ज्यात त्याचा मृत्यू झाला. (Punjab News)

पाकिस्तान रेंजर्सकडून मृतदेहाची मागणी नाही
या घटनेला 12 तासांहून अधिक काळ लोटला आहे. मात्र, अद्यापपर्यंत पाकिस्तान रेंजर्सकडून (Pakistan Rangers) मृतदेहाची मागणी करण्यात आलेली नाही. सध्या मृतदेह पोस्टमॉर्टमसाठी पाठवण्यात आला असून पोलिसांना कारवाई करण्यास सांगण्यात आले आहे. या घटनेनंतर बीएसएफने परिसरात शोध मोहीम सुरू केली. जेणेकरून संशयिताने कोणतीही संशयास्पद वस्तू पेरली असेल तर ती परत मिळवता येईल. सध्या मृतदेह ताब्यात घेण्यात आला असून पोलिसांना माहिती देण्यात आली आहे. अशा घटना टाळण्यासाठी सैनिक नेहमीच सतर्क असल्याचे बीएसएफच्या अधिकाऱ्यांचे म्हणणे आहे. (Punjab News)

हेही पहा-