दक्षिण चीन समुद्रापासून लडाखपर्यंत डोळे दाखवणाऱ्या चिनी ड्रॅगनला मोठा झटका बसला आहे. दक्षिण पूर्व आशियाई देशाने भारतासह जगातील सर्वात वेगवान सुपरसॉनिक अँटी-शिप क्रूझ क्षेपणास्त्र ब्रह्मोसच्या खरेदीला मान्यता दिली आहे. हा संपूर्ण क्षेपणास्त्र करार सुमारे 3 हजार 704 दशलक्ष डॉलर्सचा असेल. या संदर्भात लवकरच दोन्ही देशांमध्ये करार करण्यात येणार आहे. ब्रह्मोस क्षेपणास्त्राची ही पहिली विदेशी ऑर्डर आहे.
इतर देशही करणार खरेदी
विशेष म्हणजे फिलीपिन्स हा अमेरिकेचा मित्रपक्ष असला, तरी चीनविरुद्धच्या लष्करी तयारीसाठी त्याने भारत-रशियाने संयुक्तपणे बनवलेल्या ब्रह्मोस क्षेपणास्त्रावर विश्वास व्यक्त केला आहे. लवकरच चीनचा दुसरा शेजारी देश व्हिएतनामही भारतासोबत ब्रह्मोस क्षेपणास्त्रासाठी करार करू शकतो, असे मानले जात आहे. या क्षेपणास्त्र कराराबाबत दोन्ही देशांमध्ये बोलणी सुरू आहेत. इंडोनेशियासह अनेक देशांनी क्षेपणास्त्र खरेदीसाठी स्वारस्य दाखवले आहे.
संबंध दृढ होतील
ब्रह्मोस एरोस्पेस हा भारत-रशियन संयुक्त उपक्रम आहे, जो सुपरसॉनिक क्रूझ क्षेपणास्त्रे तयार करतो. हे क्रूझ क्षेपणास्त्र ध्वनीच्या तिप्पट वेगाने उडते. गेल्या काही दिवसांत, फिलीपिन्सने आपल्या सशस्त्र दलांचे आधुनिकीकरण करण्यासाठी अनेक संरक्षण करार केले आहेत. या खरेदीमुळे भारताचे फिलीपिन्ससोबतचे धोरणात्मक संबंध अधिक दृढ होतील, असे तज्ज्ञांचे मत आहे. दक्षिण चीन समुद्रात चीनसोबत दीर्घकाळ चाललेल्या संघर्षाच्या पार्श्वभूमीवर फिलीपिन्स आपले नौदल मजबूत करत आहे.
( हेही वाचा :संसदेचं अर्थसंकल्पीय अधिवेशन होणार दोन टप्प्यात, जाहीर झाल्या तारखा )
फिलीपिन्स बनतोय सक्षम
हाँगकाँगमधून प्रकाशित झालेल्या साऊथ चायना मॉर्निंग पोस्टने म्हटले आहे की, फिलीपिन्सने जगातील सर्वात वेगवान सुपरसॉनिक क्षेपणास्त्र घेण्याच्या निर्णयामुळे त्याची लष्करी ताकद मोठ्या प्रमाणात वाढणार आहे. या क्षेपणास्त्राच्या माध्यमातून फिलीपिन्स आपल्या किनारी भागाचे संरक्षण करू शकणार आहे. दक्षिण चीन समुद्रात चीनचा फिलीपिन्ससोबत वाद सुरू आहे.
Join Our WhatsApp Community