जम्मू-काश्मीरमधील उधमपूर जिल्ह्यातील बसंतगडच्या वरच्या भागात सुरू असलेल्या चकमकीत जैश-ए-मोहम्मद संघटनेचे दोन दहशतवादी (Terrorist) ठार झाले. लष्कराने ही माहिती दिली. घनदाट जंगलात दहशतवाद्यांविरुद्धची ही पहिली यशस्वी कारवाई असून, गेल्या सहा महिन्यांत सहाहून अधिक चकमकी झाल्या आहेत.
२८ एप्रिल रोजी एका गावाच्या संरक्षण रक्षकाला आपला जीव गमवावा लागला आणि १९ ऑगस्ट रोजी एका CRPF निरीक्षकाला चकमकीत आपला जीव गमवावा लागला.मिळालेल्या माहितीनुसार, खंडा टॉपवरील ऑपरेशन भागात आणखी एक दहशतवादी लपला असून त्याला पकडण्याचे प्रयत्न सुरू आहेत. परिसरात लपलेल्या दहशतवाद्यांनी रात्री १२.५० च्या सुमारास सर्च पार्टीवर गोळीबार सुरू केला, त्यानंतर सुरक्षा दलांनीही प्रत्युत्तर दिले. “खंडारा येथे रायझिंग स्टार कॉर्प्सच्या जवानांसोबत सुरू असलेल्या चकमकीत दोन दहशतवादी (Terrorist) ठार झाले,” असे लष्कराने ट्विटरवरील पोस्टमध्ये म्हटले आहे.
Join Our WhatsApp Community