प्रवाशांना मिळेल कन्फर्म तिकीट; ‘या’ एक्सप्रेसला कायमस्वरूपी अतिरिक्त डबे जोडले जाणार

रेल्वेने साईनगर शिर्डी-विजयवाडा/काकीनाडा पोर्ट एक्सप्रेसला कायमस्वरूपी अतिरिक्त डबे जोडण्याचा निर्णय घेतला आहे. याचा संपूर्ण तपशिल खालीलप्रमाणे…

साईनगर शिर्डी-विजयवाडा/काकीनाडा पोर्ट एक्सप्रेस गाड्यांमध्ये कायमस्वरूपी अतिरिक्त डबे

गाडी क्रमांक 17208/17207 साईनगर शिर्डी – विजयवाडा एक्सप्रेसला साईनगर शिर्डी येथून दिनांक 14 सप्टेंबर 2022 पासून आणि विजयवाडा येथून दिनांक 13सप्टेंबर2022 पासून एक अतिरिक्त शयनयान आणि सामान्य द्वितीय श्रेणी कोच जोडण्यात येईल.

ट्रेन क्र. 17206/17205 साईनगर शिर्डी – काकीनाडा पोर्ट एक्स्प्रेसला एक प्रथम वातानुकूलितसह द्वितीय वातानुकूलित कोच साईनगर शिर्डी येथून 13 सप्टेंबर 2022 पासून आणि काकीनाडा बंदर येथून 12 सप्टेंबर 2022 पासून जोडण्यात येईल.

ट्रेन क्रमांक 17208/17207 साठी सुधारित संरचना: एक प्रथम वातानुकूलितसह द्वितीय वातानुकूलित, एक द्वितीय वातानुकूलित, दोन तृतीय वातानुकूलित, १० शयनयान, दोन गार्ड्स ब्रेक व्हॅनसह ६ सामान्य द्वितीय श्रेणी.

ट्रेन क्रमांक 17206/17205 साठी सुधारित संरचना: दोन प्रथम वातानुकूलितसह द्वितीय वातानुकूलित, दोन द्वितीय वातानुकूलित, तीन तृतीय वातानुकूलित, ११ शयनयान, दोन गार्ड्स ब्रेक व्हॅनसह ४ सामान्य द्वितीय श्रेणी.

तसेच वरील गाड्यांमधील प्रतीक्षा यादीतील प्रवाशांना त्यांनी ट्रेनमध्ये चढण्यापूर्वी त्यांच्या पीएनआरची स्थिती तपासावी असे रेल्वेने सांगितले आहे.