सूर्याची सोनेरी किरणे आपल्या मनाला उत्साही आणि प्रसन्न वातावरणाचा आभास करून देतात, मात्र योग्य संरक्षणाशिवाय दीर्घकाळापर्यंत सूर्यप्रकाशात राहिल्यामुळे त्वचेच्या असंख्य समस्या उद्भवू शकतात आणि त्वचेला त्याचा त्रास होऊ शकतो. सूर्यप्रकाशात आपल्या त्वचेची काळजी घेणे (Beauty Tips) आवश्यक आहे. याकरिता जाणून घेऊया ‘या’ खास टिप्स –
नियमितपणे सनस्क्रीन वापर करा
सूर्यकिरणांमुळे त्वचा काळी पडू नये म्हणून सनस्क्रीनचा वापर करणे खूप गरजेचे आहे. कमीतकमी 30SPF (सन प्रोटेक्शन फॅक्टर) सह ब्रॉड-स्पेक्ट्रम सनस्क्रीन निवडा आणि ते तुमच्या त्वचेच्या सर्व उघड भागात, अगदी ढगाळ दिवसांतही लावा आणि मगच घरा बाहेर पडा. दर दोन तासांनी सनस्क्रीन लावा, विशेषतः जेव्हा तुम्ही पाण्यात काम करत असाल किंवा जास्त घामाघूम झाला असाल, तेव्हा कान, मान आणि पायांचा वरचा भाग यासारख्या दुर्लक्षित भागांना विसरू नका.
घराबाहेर पडताना काळजी घ्या
सकाळी १० ते सायंकाळी ४ या दरम्यान सूर्याची किरणे सर्वात प्रखर असतात. यावेळी घराबाहेर पडताना छत्री किंवा तोंडावर हलका ओला कापड बांधूनच बाहेर पडा. यूव्ही प्रोटेक्शन असलेले सनग्लासेस आणि वाइड ब्रिम हेट यामुळे तुमचा चेहरा आणि डोळ्याला संरक्षण मिळेल.
(हेही करा – Dadar Zoo : शिवाजीपार्क मधील ‘ते’ अनधिकृत प्राणिसंग्रहालय बंद? )
ढगळ आणि पूर्ण कपडे घाला
टॅंक टॉप, शॉर्ट्स आणि सैल टी-शर्ट हे उन्हाळ्यातले कपडे असले तरी ते आपल्या त्वचेला हवे ते संरक्षण देत नाही. त्वचा झाकणारे कपडे निवडा, जसे की हलके, लांब बाही असलेले शर्ट आणि पांढऱ्या रंगाच्या कपड्यांमुळे शरीराचे उन्हापासन रक्षण होते.
हायड्रेटेड राहा
सूर्यप्रकाशामुळे निर्जलीकरण होऊ शकते, यामुळे त्वचेच्या आरोग्यावर परिणाम होतो. हायड्रेटेड राहण्यासाठी दिवसभर भरपूर पाणी पिण्याची खात्री करा. हायड्रेटेड त्वचेला हानी होण्याची शक्यता कमी असते आणि ती स्वतःची चांगली दुरुस्ती करू शकते. याव्यतिरिक्त, फळे आणि भाज्या यासारख्या अँटिऑक्सिडंटने समृद्ध असलेले अन्न खाल्ल्याने त्वचेला अतिनील किरणांच्या हानिकारक प्रभावांचा सामना करण्यास मदत होईल.
सनबर्न झाल्यावर हे करा
योग्य ती काळजी घेतल्यानंतरही त्वचेचे सूर्यकिरणांमुळे नुकसान होऊ शकते. जर तुम्हाला सनबर्न होत असेल तर, कोरफडीची गर किंवा सेरामाइड्स आणि हायलुरोनिक अॅसिडसारखे घटक असलेल्या मॉइश्चरायझरचा नियमित वापर करा. त्वचेतील निघून गेलेला ओलावा भरून काढण्यास आणि त्वचेचा नैसर्गिक अडथळा दुरुस्त करण्यात मदत करतात.