कुलाबा कॉजवेचं ऑफिशियल नाव हुतात्मा भगतसिंग रोड असं आहे. मुंबई शहरातल्या कुलाबा आणि ओल्ड लेडी बेटामधला एक प्रमुख जमीनी दुवा आहे. कुलाबा कॉजवे हे ठिकाण, मुंबईतल्या फोर्ट विभागाजवळ आहे. इथून जवळच गेटवे ऑफ इंडिया, ताजमहाल पॅलेस आणि टॉवर ही मुंबईतली प्रसिद्ध ठिकाणं आहेत. (colaba causeway market)
(हेही वाचा – ICC T20 Team of 2024 : आयसीसीच्या सर्वोत्तम टी-२० संघात यंदा ४ भारतीय, तर रोहित शर्मा कर्णधार)
कुलाबा कॉजवेचा आढावा
आजच्या काळात या ठिकाणाला मुंबईचा ‘कल्चर स्क्वेअर’ असं म्हटलं जातं. या परिसराची वास्तुकला जुन्या मुंबईची आठवण करून देते. या परिसरात नॅशनल गॅलरी ऑफ मॉडर्न आर्ट, रिगल सिनेमा, छत्रपती शिवाजी महाराज संग्रहालय आणि कुसरो बाग, १९३४ साली बांधलेली पारसी निवासी वसाहत इत्यादी स्थळं आहेत. पारसी निवासी वसाहत ही ८४,००० चौरस यार्ड क्षेत्र व्यापून टाकते. या ठिकाणी ५०० पेक्षा जास्त कुटुंबं राहतात. तसंच हा परिसर वेगवेगळ्या कलादालनांचं केंद्र आहे. म्हणूनच हा परिसर कलाकार समुदायासाठी एक नैसर्गिक निवासस्थान आहे असं म्हणायला हरकत नाही.
कुलाबा कॉजवे हे इथे असलेल्या मार्केटसाठी प्रसिद्ध ठिकाण आहे. इथल्या मार्केटमध्ये उच्च दर्जाचे शोरूम आहेत. तसंच इथे इलेक्ट्रॉनिक वस्तू, सौंदर्यप्रसाधने, कपडे आणि संगीत यांच्याशी संबंधित सर्व गोष्टी मिळतात. लहान दुकानांव्यतिरिक्त येथे अनेक दशकांपासून सुरू असलेला फुटपाथवरचा बुक स्टॉल आहे. (colaba causeway market)
(हेही वाचा – स्वयंपुनर्विकास : सर्वात उत्तम उपाय; आमदार Pravin Darekar यांचे प्रतिपादन)
याव्यतिरिक्त इथे अनेक प्रकारच्या हस्तकलाकृतींपासून ते शाल, कार्पेट आणि किरकोळ प्राचीन वस्तूंपासून ते सर्व प्रकारच्या चप्पलांपर्यंत सर्व प्रकारच्या वस्तू विकणारी असंख्य लहान दुकानं आणि फूटपाथ आउटलेट आहेत. त्यामुळे दक्षिण मुंबईत येणारे पर्यटक, बॅकपॅकर आणि स्थानिक लोक वर्षभर या मार्केटमध्ये गर्दी करतात.
कुलाबा कॉजवे इथे पर्यटक आणि स्थानिक लोकांमध्ये लोकप्रिय असलेले रेस्टॉरंट्स, कॅफे आणि रस्त्याच्या कडेला असलेल्या भोजनालयांमध्ये भारतीय, मुघलाई, प्रसिद्ध दिल्ली दरबार रेस्टॉरंट, पिकाडिली रेस्टॉरंट, कॅफे चर्चिल, मिंग्स पॅलेस, कैलास पर्वत आणि गोकुळ यांचा समावेश आहे. इथे असलेल्या कॅफे मोंडेगर आणि कॅफे लिओपोल्डची स्थापना १८७१ साली इराणी लोकांनी केली होती. (colaba causeway market)
(हेही वाचा – jeera rice recipe : हॉटेलमध्ये गेल्यावर जिरा राईस खाता ना? मग घरी कसा बनवायचा हे पाहुया)
या परिसरातल्या इतर आकर्षण स्थळांमध्ये नेव्ही नगरमधलं अघन चर्च आणि ससून डॉक्स यांचा समावेश होतो. ससून डॉक्स हा मुंबई शहरातील सर्वात मोठ्या मासळी बाजारांपैकी एक आहे.
कुलाबा कॉजवे हा ब्रिटिश ईस्ट इंडिया कंपनीच्या काळात बांधला गेला होता. कुलाबा आणि ओल्ड वुमन्स आयलंड (हे मुंबईच्या सात बेटांपैकी एक होतं) ही शेवटची दोन बेटं मुंबईच्या मुख्य भूमीशी जोडली गेली. १८३९ सालापर्यंत कुलाबा येथे फक्त कमी भरतीच्या वेळीच पोहोचणं शक्य होतं. पण लवकरच या भागात वेगाने विकास झाला. विशेषतः १८४४ साली कॉटन ग्रीन येथे कॉटन एक्सचेंज बांधल्यानंतर या विकासाची गती वाढली. नंतर १८६१ ते १८६३ सालादरम्यान कॉजवेचा विस्तार करण्यात आला. (colaba causeway market)
हेही पहा –
Join Our WhatsApp Community