दौंड जंक्शन हे रेल्वे स्थानक महाराष्ट्रातल्या पुणे जिल्ह्यात असलेलं एक स्थानक आहे. हे रेल्वे स्थानक भारतीय रेल्वेच्या मुंबई-चेन्नई या मार्गावरचं रेल्वे स्टेशन आहे. दौंड-मनमाड मार्ग आणि दौंड-बारामती शाखा मार्ग हे दोन्ही मार्ग दौंड इथूनच सुरू होतात. दौंड हे एक प्रमुख मालवाहतूक पुनर्वितरण केंद्र आहे. (daund junction)
दौंडचा इतिहास
मुंबई-चेन्नई मार्गावरचं पुणे-रायचूर सेक्टर टप्प्याटप्प्याने उघडण्यात आलं. पुणे ते बार्शी रोड हा भाग १८५९ साली, बार्शी रोडपासून मोहोळपर्यंत १८६० साली आणि मोहोळ ते सोलापूरपर्यंतचा भाग १८६० साली उघडण्यात आला. सोलापूरपासून मार्गावरच्या कामाला दक्षिणेकडे १८६५ साली सुरुवात झाली आणि १८७१ साली ही लाईन रायचूरपर्यंत वाढवण्यात आली.
दौंड स्थानक १८५८ किंवा १८५९ साली स्थापन करण्यात आलं होतं. दौंड-बारामती मीटर-गेज ट्रॅक १९०६ साली बांधण्यात आला. ब्रॉड-गेज दौंड-मनमाड ट्रॅक बांधल्यानंतर दौंड हे जंक्शन बनलं. त्यानंतर १९२८ साली भीमा नदीवर पूल बांधल्यावर दौंड हे श्रीगोंड्याशी रस्त्याने जोडलं गेलं. (daund junction)
(हेही वाचा – ahmedabad municipal corporation : अहमदाबाद म्युनिसिपल कॉर्पोरेशनचं वैशिष्ट्य जाणून घेऊया)
दौंड कॉर्ड लाईनची स्थापना होण्यापूर्वी पुणे, गोवा, हुबळी इत्यादी ठिकाणांहून आणि दिल्ली, हावडा इत्यादी ठिकाणांकडे जाणाऱ्या गाड्यांना त्यांची इंजिने दौंड जंक्शनवर विरुद्ध दिशेने वळवावी लागत होती. या वेळखाऊ प्रक्रियेची समस्या टाळण्यासाठी २०२० साली गाड्यांना थांबा देण्यासाठी नवीन स्थानक स्थापन करण्यात आलं. या स्थानाकाचं नाव दौंड कॉर्ड लाईन असं आहे.
तेव्हापासूनच वरील मार्गांवर धावणाऱ्या गाड्या दौंड जंक्शनला बायपास करून दौंड कॉर्ड लाईनवर थांबतात. दौंड-अनकाई विभागातील २४ स्थानके पुणे रेल्वे विभागात विलीन करण्यात येणार आहेत. सध्या दौंड-अनकाई हा विभाग सोलापूर रेल्वे विभागांतर्गत आहे. पुणे विभागामध्ये विलीन झाल्यामुळे अहमदनगर आणि पुणे रेल्वे स्थानकादरम्यान DEMU सेवा सुरू होण्याची शक्यता वाढेल. (daund junction)
दौंड स्थानकावर असलेल्या सुविधा
दौंड रेल्वे स्थानकावर शाकाहारी आणि मांसाहारी जेवण देणारे रिफ्रेशमेंट स्टॉल, रिटायरिंग रूम, वेटिंग रूम आणि पुस्तकांचा स्टॉल आहे.
हेही पहा –
Join Our WhatsApp Community