Hindustan Copper Share Price : हिंदुस्तान कॉपर शेअरची कशी आहे वाटचाल?

• ऋजुता लुकतुके

आंतरराष्ट्रीय स्तरावर सध्या ट्रम्प प्रशासनाच्या आयात शुल्क वाढीचा धसका भल्या भल्यांनी घेतलाय. २ एप्रिलला डोनाल्ड ट्रम्प नव्याने काही वस्तूंवरील आयात शुल्क वाढवणार आहेत. बाजारात त्यामुळे एक प्रकारची अनिश्चितता आहे आणि त्याचवेळी वस्तूंचे भावही वाढत आहेत. जानेवारी २०२५ पासून धातूंचे दर हे असेच वाढत आहेत. धातू उत्पादक कंपन्यांना मात्र त्याचा फायदा मिळत आहे. (Hindustan Copper Share Price)

याचं एक उदाहरण म्हणजे शेअर बाजारात धातू उत्पादक किंवा शुद्धीकरण करणाऱ्या कंपन्यांची असलेली चलती. यातील एक उदाहरण हिंदुस्तान कॉपर लिमिटेड या शेअरचं देता येईल. तांबे उत्पादक या सरकारी कंपनीने गेल्या दोन वर्षांमध्ये कंपनीने १४० टक्के परतावा दिला आहे. गेल्या पाच वर्षांचा आढावा घेतला तर हा शेअर तब्बल १,०३५ टक्क्यांनी वाढला आहे. (Hindustan Copper Share Price)

आताही हा शेअर पुन्हा एकदा चर्चेत आहे तो धातूच्या वाढलेल्या किमतीमुळेच. त्याचा या शेअरवर काय परिणाम होईल अशी उत्सुकता गुंतवणूकदारांना आहे. या आठवड्यात बुधवारी हा शेअर याच बातमीनंतर ३ टक्के वाढून २३७ पर्यंत पोहोचला आहे. त्यानंतर मात्र नफारुपी विक्रीचा जोर वाढून हा शेअर शुक्रवारी बाजार बंद होताना २१७ रुपयांवर स्थिरावला. दिवसाला सरासरी ५९ लाख शेअरची खरेदी – विक्री या महिन्यात झाली. यावरून कंपनीमधील गुंतवणूकदारांचा रस लक्षात येईल. (Hindustan Copper Share Price)

(हेही वाचा – Atrocity च्या गुन्ह्यात पोलिसांची चालढकल; पिडित महिलेची मुख्यमंत्र्यांकडे तक्रार)

ट्रम्प प्रशासनाकडून आयात शुल्कवाढी होण्याची शक्यता लक्षात घेऊन धातू व्यापाऱ्यांनी गेल्या दोन महिन्यात आधीच तांब्याच्या किमती वाढवल्या आहेत. तो सिलसिला कायम राहिल्यामुळे धातूंच्या किमतींबरोबरच शेअरही चढत आहेत. न्यूयॉर्कच्या कॉमेक्स एक्सचेंजमध्ये तांब्याचा दर यावर्षीच्या उच्चांकावर आहे. तर तांब्याचा सगळ्यात मोठा उत्पादक देश चिलीने अलीकडे देशातून तांब्याची निर्यात काही काळासाठी थांबवली होती. त्यामुळे पुरवठा कमी होऊनही किंमती वाढत होत्या. (Hindustan Copper Share Price)

ट्रम्प प्रशासनाने तांब्यावरील आयात शुल्क २५ टक्क्यांनी वाढवण्याचा इशारा दिला आहे. त्यामुळे येणाऱ्या दिवसांतही या किमती वाढू शकतात. त्यामुळे हा शेअर अजूनही चलतीत असेल असाच जाणकारांचा होरा आहे. आनंद राठी, केईशी इंटरनॅशनल अशा संशोधन संस्थांनी हिंदुस्तान कॉपर लिमिटेड कंपनीचं लक्ष्य वाढवून गुंतवणुकदारांना खरेदीचा सल्ला दिला आहे. आनंद राठी यांनी लक्ष ४२० रुपये केलं आहे. (Hindustan Copper Share Price)

(डिस्क्लेमर – शेअर बाजारातील गुंतवणूक ही जोखमीची असते. गुंतवणूकदारांनी स्वत:च्या जोखमीवर गुंतवणूक करावी. हिंदुस्थान पोस्ट शेअरच्या खरेदी अथवा विक्रीचा कुठलाही सल्ला देत नाही.)

हेही पहा –