Mahindra XEV 9E : महिंद्रा एक्सईव्ही ९ई गाडीचं फेब्रुवारीत जोरदार बुकिंग

• ऋजुता लुकतुके

महिंद्रा ही भारतीय कार उत्पादक कंपनी फिचर्सच्या बाबतीत आता जागतिक कंपन्यांशी स्पर्धा करू लागली आहे. इलेक्ट्रिक अवतारातील गाड्या आणत असताना या गाड्यांचा लुकही आधुनिक असेल याची काळजी कंपनीने आपल्या नवीन दोन कारमध्ये पुरेपूर घेतली आहे. महिंद्रा एक्सईव्ही ९ई (Mahindra XEV 9E) ही गाडी आहे ३५ लाख रुपयांच्या आतली. पण, त्यातील काही फिचर हे अगदी लक्झरी कारलाही लाजवणारे आहेत. महिंद्रा एक्सईव्ही ९ई (Mahindra XEV 9E) आणि बीई ६ (BE 6) या इलेक्ट्रिक एसयुव्ही गाड्यांनी फेब्रुवारी महिन्यात खपाच्या बाबतीत भारतात बाजी मारली आहे. दोन गाड्यांचं मिळून या महिन्यात ३,१९६ युनिट्सचं बुकिंग झालं आहे. इलेक्ट्रिक एसयुव्हीसाठी ३० लाखांच्या आत बजेट असलेल्यांसाठी ही गाडी सर्वोत्तम पर्याय ठरताना दिसत आहे.

सगळ्यात महत्त्वाचं म्हणजे चालकासमोरचा डिस्प्ले हा १२.३ इंचांचा विस्तीर्ण असा एकच डिस्प्ले आहे. या गाडीतील अगदी मूलभूत व्हर्जनमध्येही हाच डिस्प्ले मिळणार आहे. गाडीचं सगळ्यात खालचं व्हर्जन हे २१.९० लाख रुपयांना उपलब्ध असेल. तर त्याहून वरंच व्हर्जन ३०.९० लाख रुपयांना मिळणार आहे. या डिस्प्लेमध्ये चालकासमोरचं कंट्रोल आणि इन्फोटेनमेंट प्रणाली सामावलेली आहे. भारतात ३५ लाख रुपयांच्या खाली असलेल्या या एकमेव गाडीत इतका मोठा डिस्प्ले आहे.

(हेही वाचा – भांग घेतात म्हणून काय बोलतात ते लक्षात राहत नाही; Kripashankar Singh यांचा राज ठाकरेंवर हल्लाबोल)

शिवाय या गाडीत आहे चक्क एक सेल्फी कॅमेरा (Selfie camera). ही सोयही फक्त मर्सिडिझमध्ये (Mercedes) आहे. या कॅमेरातून तुम्ही चालकावर लक्ष ठेवू शकता, डिस्प्लेमधील गोष्टी पाहू शकता आणि गाडीत बसूनच ऑनलाईन मिटिंगही भरवू शकता. गाडीचा वेग किती आहे, गाडीला पुढे कुठच्या दिशेनं जायचं आहे तसंच चालकाला सुरक्षेविषयीचे संदेश असं सगळं समोरच्या स्क्रीनवरच कळू शकतं. त्यासाठी लागणारा ऑगमेंटेड रियालिटी डिस्प्लेही कारमध्ये आहे.

Mahindra XEV 9e & BE 6 Garner Over 3,000 Unit Sales In Feb 2025https://t.co/cEZn59tGxh pic.twitter.com/3QxBuLrnvw

— GaadiWaadi.com® (@gaadiwaadi) March 10, 2025

(हेही वाचा – Sunita Williams यांच्या परतीचा मार्ग मोकळा !)

गाडीत १६ स्पीकर असलेली ध्वनी यंत्रणा आहे. त्यामुळे गाणी ऐकण्याचा तुमचा अनुभवही वेगळा असणार आहे. त्यासाठी हर्मन कंपनीचे स्पीकर बसवण्यात आले आहेत. तसंच गाडीचं छत हे स्वयंप्रकाशित असेल. तसे दिवेच वर बसवण्यात आले आहेत. शिवाय ही कार ऑटो – पार्क होऊ शकेल. तशी यंत्रणा या कारमध्ये आहे.

महिंद्रा एक्सईव्ही ९ई (Mahindra XEV 9E) ही गाडी २१.९० ते ३०.५० लाख रुपयांपर्यंत उपलब्ध होणार आहे. सध्या तरी या गाडीची कुणाशीही स्पर्धा नाही. पण, टाटा हॅरिअरची इव्ही काही महिन्यातच येऊ घातली आहे. या दोघांमध्ये नक्की स्पर्धा असेल.

हेही पहा –