समुद्रकिनारी गेल्यावर या वॉटर स्पोर्ट्सचा आनंद नक्की घ्या…

उन्हाळ्याच्या सुट्ट्यांमध्ये रिसॉर्ट, समुद्रकिनारी जाणाऱ्या लोकांचा ओघ वाढतो. समुद्रावर गेल्यावर लाटांचा आनंद घेणे, सूर्यास्त पाहणे यापलीकडे आता समुद्री खेळ ( Water Sports) पर्यटकांसाठी मुख्य आकर्षण ठरत आहेत.

१. मालवण – स्कुबा डायव्हिंग ( Scuba Diving)

दरवर्षी लाखो पर्यटक मालवणला भेट देतात, याचे प्रमुख कारण आहे स्कुबा डायव्हिंग. मालवण किनाऱ्यावर तुम्ही स्कूबा डायव्हिंग व्यतिरिक्त, बंपर राइड, बनाना राइड आणि पॅरासेलिंगचा सुद्धा आनंद घेऊ शकता.

( हेही वाचा : आता आकाशातून पहा विलोभनीय कोकण )

२. अलिबाग – जेट स्की (Jet Ski)

मुंबईपासून जवळ असल्यामुळे अलिबागला जाणाऱ्या पर्यटकांच्या संख्येत वाढ झाली आहे. अलिबागच्या समुद्रकिनाऱ्यांवर तुम्ही जेट स्की या वॉटर स्पोर्ट्सचा आनंद घेऊ शकता.

३. तारकर्ली – पॅरासेलिंग (Parasailing)

पॅरासेलिंगमुळे तुम्हाला आकाशातून संपूर्ण समुद्राचे विहंगम दृश्य अनुभवता येईल. तारकर्ली हा समुद्रकिनारा कोकणातील सर्वात लोकप्रिय व स्वच्छ समुद्रकिनारा म्हणून ओळखला जातो. त्यामुळे याठिकाणी पर्यटक आवर्जून पॅरासेलिंग करण्यास प्राधान्य देतात.

४. कोलाड – रिव्हर राफ्टिंग ( River rafting)

भारतातील सर्वात वेगवान नद्यांपैकी एक असलेल्या कुंडलिका नदीच्या कडेला कोलाड येथे तुम्ही व्हाईट वॉटर राफ्टिंगचा आनंद घेऊ शकता.

५. विहीगाव – वॉटर रॅपलिंग ( Water rappelling )

पावसाळा सुरू झाला की, सर्वत्र धबधबे दिसू लागतात. कोंढाणा लेणी, सांधण व्हॅली, दाभोसा आणि विहिगाव धबधबे याठिकाणी तुम्ही वॉटर रॅपलिंगचा आनंद घेऊ शकता.

प्रतिक्रिया द्या

Please enter your comment!
Please enter your name here