Protein In One Egg : संडे हो या मंडे रोज खाओ अंडे! अहो पण, एका अंड्यामध्ये किती ग्रॅम प्रोटिन्स असतात?

अंड्यातल्या प्रोटिन्सचं प्रमाण त्याच्या आकारावर अवलंबून असतं. अंडी विकताना दुकानदार दुकानात वेगवेगळ्या आकारांच्या अंड्यांची निवड करतात हे तुम्ही पाहिलं असेलच. एका लहान अंड्यामध्ये मोठ्या अंड्यापेक्षा कमी प्रोटिन्स असतात.

माणसाला एका दिवसात किती ग्रॅम प्रोटिन्सची आवश्यकता असते?

प्रोटिन्स हे शरीरासाठी गरजेचे असतात. तुमच्या शरीराचं वजन, लिंग, फिटनेस टार्गेट, ट्रेनिंग प्रोग्रॅम आणि आणखी बऱ्याच गोष्टींवर तुमच्या शरीराला किती प्रोटिन्सची गरज आहे हे अवलंबून असतं. काही लोकांना खूप कमी प्रोटिन्सची गरज असते, तर काहींना रोज शरीराच्या प्रति पौंड वजनाकरिता १ ग्रॅमपर्यंत प्रोटिन्सची गरज असते. (Protein In One Egg)

(हेही वाचा – International Women’s Day : ‘महिलांनी समाजकारण करूनच राजकारणात यावे’)

अंडी खाण्याच्या वेगवेगळ्या पद्धती

सतत उकडलेलं अंड आणि अंड्याचं आमलेट खाऊन कंटाळा आला आहे का? काळजी करू नका. अंड्यांच्या वेगवेगळ्या रेसिपींच्या कल्पना पुढे दिल्या आहेत.

• चिकन सॉसेज, भाज्या (Vegetables) आणि चीजसोबत (cheese) फ्रिटाटा बेक करून खा.
• स्क्रॅम्बल्ड एग्ज, चीज, साल्सा आणि ग्वाकामोलने टाको किंवा बुरिटो भरून खा.
• मॅश केलेले एवोकॅडो किंवा दह्यासोबत अंड्याचं सॅलड तयार करा.
• चवदार, मसालेदार टोमॅटो आणि व्हेजी सॉसमध्ये शिजवलेलं अंड घालून तयार करा.
• हाय प्रोटिन्सचा नाश्ता तयार करण्यासाठी ओटमीलमध्ये फेटलेली अंडी मिसळून घ्या.

अंडी खाण्याचे फायदे

आहारामध्ये अंड्यांचा समावेश केल्यामुळे शरीराची रचना, दृष्टी, मज्जासंस्थेचं कार्य आणि हृदयाचं आरोग्य सुधारू शकते.

• भूक आणि कॅलरीजचं सेवन व्यवस्थापित करणं ही यशस्वीरित्या वजन कमी करण्याची गुरुकिल्ली आहे. अंड्यांमध्ये प्रोटिन्स आणि कोलेस्टेरॉल असतात. त्यात जास्त प्रमाणात कॅलरीज नसतात. त्यामुळे अंड खाल्ल्यानंतर पोट भरल्यासारखं वाटू शकतं. त्यामुळे भूक कमी लागते आणि शरीराचं वजन कमी होण्यास मदत होते. अंडी खाऊन दिवसाची सुरुवात केल्याने दिवसभर जास्त भूक लागत नाही. त्यामुळे नंतरच्या आहारात कॅलरीजचं प्रमाण कमी घेतलं जातं. अंड्यांमध्ये उच्च दर्जाचे प्रोटिन्स असतात. कारण त्यांत नऊ प्रकारचे आवश्यक असलेले अमीनो ऍसिड असतात. प्रोटिन्सचा एक फायदा म्हणजे त्यामुळे शरीराचं वजन कमी होतं.
• अंड्यांमध्ये ल्युटीन आणि झेक्सॅन्थिन हे कॅरोटीनॉइड्स आणि अँटीऑक्सिडंट्स असतात. जे डोळ्यांना ऑक्सिडेटिव्ह नुकसान आणि वयाशी संबंधित त्रासांपासून मुक्त करतात. जसं की, मोतीबिंदू आणि मॅक्युलर डीजनरेशनपासून संरक्षण करतात.
• अंडी ही कोलाइन चं एक उत्कृष्ट स्रोत आहेत. जे संज्ञानात्मक आणि मज्जासंस्थेच्या कार्यात महत्वाची भूमिका बजावतात.
• नियमितपणे अंडी खाल्ल्याने हृदयरोगाचा धोका नियंत्रित राहतो. अंड्यातल्या पिवळ्या बलकामध्ये कोलेस्टेरॉलचं प्रमाण जास्त असतं.

(हेही वाचा – मंत्री Adv. Ashish Shelar यांची एशियन क्रिकेट परिषदेच्या डायरेक्टर बोर्डावर नियुक्ती; बीसीसीआयची मोठी घोषणा)

खाली सामान्य अंड्याचा आकार आणि प्रत्येकी एका अंड्यातल्या प्रोटिनचं प्रमाण दिलं आहे.

• लहान अंड: ४.७९ ग्रॅम प्रोटीन्स
• मध्यम अंड: ५.५४ ग्रॅम प्रोटिन्स
• मोठं अंड: ६.३ ग्रॅम प्रोटिन्स
• जास्त मोठं अंड: ७.०६ ग्रॅम प्रोटिन्स
• जंबो अंड: ७.९४ ग्रॅम प्रोटिन्स

◆किती अंडी खाल्ली तर ५० ग्रॅम प्रोटिन्स मिळतात?

एका मोठ्या अंड्यामध्ये ६ ग्रॅम एवढे प्रोटिन्स असतात. फक्त अंड्यातून ५० ग्रॅम प्रोटिन्स मिळवण्यासाठी आठ किंवा नऊ अंडी खावी लागतील. तेव्हा ४८ ते ५४ ग्रॅम प्रोटिन्स मिळतील. (Protein In One Egg)

अंड्याची इतर खाद्याशी तुलना करण्यासाठी आपण पाहुयात, ५ औंसच्या सॅल्मन फिलेटमध्ये अंदाजे ३५ ग्रॅम एवढे प्रोटिन्स मिळतात, तर २.५ औंसच्या ट्यूना फिशमध्ये म्हणजेच अर्धा कॅनमध्ये १३ ग्रॅम एवढे प्रोटिन्स असतात आणि ४ औंसच्या चिकन ब्रेस्टमध्ये २५ ग्रॅम प्रोटिन्स असतात. (Protein In One Egg)

हेही पहा –