फक्त २०२३ रुपयांमध्ये करा विमान प्रवास! बुकिंगसाठी ‘ही’ आहे शेवटची तारीख

नववर्षात तुम्ही प्रवासाचे नियोजन करत असाल तर तुमच्यासाठी आनंदाची बातमी आहे. देशातील सर्वात मोठी विमानकंपनी प्रिमियम विस्ताराने या नव्या ऑफर्सची घोषणा केली आहे. लागोपाठ सुट्ट्या आणि नववर्षामुळे विमान कंपन्यांच्या तिकिट दरांमध्ये वाढ झालेली असताना आता विस्ताराच्या ऑफरमुळे पर्यटकांना स्वस्तात विमान प्रवास करण्याची संधी मिळणार आहे.

( हेही वाचा : भारत विरुद्ध श्रीलंका टी२० मालिकेपूर्वी विराट कोहलीने घेतला मोठा निर्णय!)

विस्तारा एअरलाइन्स ही टाटा आणि सिंगापूर एअरलाइन्स यांच्यातील संयुक्त उपक्रम आहे. जानेवारी २०१५ मध्ये कंपनीच्या विमानाने पहिले उड्डाण केले. आता नववर्षाचे गिफ्ट म्हणून विस्तारा कंपनी नव्या वर्षात स्वस्त विमान प्रवासाची संधी नागरिकांना देत आहे. या अंतर्गत प्रवाशांना २९ डिसेंबरपर्यंत बुकिंग करता येणार आहे. प्रवाशांना या ऑफरमध्ये १० जानेवारी २०२३ ते ३० सप्टेंबर २०२३ दरम्यान तिकीट बुक करता येणार आहे. देशांतर्गत प्रवासासाठी एकेरी तिकिटाची किंमत फक्त २०२३ रुपये आहे तर आंतरराष्ट्रीय परतीच्या प्रवासासाठी तिकिटाची किंमत १३ हजार ६९९ रुपयांपासून सुरू होणार आहे.

इंडिगोची हिवाळी ऑफर

याआधी एअर इंडिगोने तीन दिवसांची हिवाळी ऑफर आणली होती. या ऑफर अंतर्गत हवाई तिकिटाची किंमत २०२३ एवढी ठेवण्यात आली होती. प्रवाशांना या ऑफरमध्ये १५ जानेवारी २०२३ ते १४ एप्रिसल २०२३ पर्यंतच्या प्रवासासाठी तिकीट खरेदी केली.