महाराष्ट्र विधानसभा निवडणुकांच्या पार्श्वभूमीवर राज्यातील अनेक स्वयंसेवी संस्था मुसलमान मतदारांमध्ये बैठका घेत आहेत आणि त्यांना मतांची टक्केवारी वाढवण्याचे आवाहन करत आहेत. सर्व राजकीय पक्ष या निवडणुकीसाठी सज्ज झाले आहेत. राज्यात प्रचारही जोरदार सुरू आहेत. महाराष्ट्रात विधानसभेच्या 288 जागांसाठी 20 नोव्हेंबर 2024 रोजी एकाच टप्प्यात मतदान होणार आहे. मतमोजणी 23 नोव्हेंबर रोजी होणार आहे. या निवडणुकीत मुख्य लढत सत्ताधारी महायुती (भाजप, राष्ट्रवादी काँग्रेस (अजित पवार गट) आणि शिवसेना-शिंदे गट) आणि विरोधी पक्ष महाविकास आघाडी (काँग्रेस, राष्ट्रवादी काँग्रेस-शरद पवार गट आणि शिवसेना- उबाठा गट) यांच्यात आहे.
(हेही वाचा – Jammu & Kashmir : कलम ३७० वरुन जम्मू-काश्मीर विधानसभेत पुन्हा राडा!)
हिंदुस्तान टाईम्सच्या वृत्तानुसार, अनेक स्वयंसेवी संस्था राज्यातील मुस्लिम मतदारांना आकर्षित करण्यासाठी काम करत आहेत. गेल्या अनेक महिन्यांपासून राज्यात तळागाळातील 180 स्वयंसेवी संस्था मुसलमानांचे एकगठ्ठा मतदान होण्यासाठी कार्यरत आहेत. यामुळे समाजाच्या मतदानाची टक्केवारी वाढेल. मिळालेल्या माहितीनुसार, मुंबईतील शिवाजीनगर, मुंबादेवी, भायखळा आणि मालेगाव सेंट्रलसारख्या मुस्लिम भागात मतदानाची टक्केवारी वाढवण्यासाठी स्वयंसेवी संस्था काम करत आहेत. नुकत्याच झालेल्या लोकसभा निवडणुकीत या भागात मतदानाची टक्केवारी जास्त होती.
मुंबईत १८ मुस्लिमबहुल परिसरात बैठका, ९ लाख मुस्लिम मतदारांची नोंदणी
एका वृत्तसंस्थांनी दिलेल्या माहितीनुसार, डेमोक्रेटिक फोरमचे शाकीर शेख म्हणाले की, मुस्लिम मतदारांना प्रभावित करण्यासाठी राज्यात गेल्या दोन महिन्यात ७० ठिकाणी बैठका घेण्यात आल्या असून यात मुंबईतील १८ मुस्लिमबहुल परिसराचा समावेश आहे. ते म्हणाले की, सीएए, वक्फ बोर्ड विधेयक, समान नागरी कायद्याविरोधात मुस्लिम मतदारांनी घराबाहेर पडत मतदान करायला हवे. त्यामुळे मुस्लिम मतदारांमध्ये जागृती निर्माण करण्यासाठी मुस्लिम मतदारांची नोंदणी करण्यात आली आहे. आतापर्यंत आम्ही ९ लाख मुस्लिम मतदारांच्या नावाची नोंदणी मुंबईत केली आहे.
महाराष्ट्राची जनता आमच्यासोबत आहे
भाजपाचे युवा नेते आणि वांद्रे विधानसभेचे तरुण उपसभापती भरत सिंग यांनी हिंदुस्तान पोस्टला सांगितले की, त्यांनी कितीही बैठका घेतल्या तरी काहीही होणार नाही. महाराष्ट्रात महायुतीचे सरकार आहे आणि या वेळी महायुतीसह भाजपला बहुमत मिळेल. आम्हाला आमच्या मतदारांवर विश्वास आहे, मग ते मुस्लिम मतदार असोत किंवा हिंदू मतदार, आमचे सरकार सर्वांसाठी काम करते. केंद्र आणि राज्य सरकारच्या सर्व कल्याणकारी योजनांचा लाभ महाराष्ट्रातील सर्व जनतेला मिळाला आहे. महाराष्ट्राची जनता आमच्यासोबत आहे आणि आम्ही सर्वांच्या विकासासाठी काम करत आहोत, असा आम्हाला विश्वास आहे. (Maharashtra Assembly Election 2024)
हेही पहा –
Join Our WhatsApp Community