Holi 2025: आमचे दाराशी हाय शिमगा! पाहा कोकणातील खास परंपरा
1 of 8
दुष्ट आणि वाईट प्रवृत्ती नष्ट करणारा म्हणून होळीचा सण साजरा केला जातो. हा सण रंगांचा आणि सर्वांचा आनंद द्विगुणित करणारा असतो. (Holi 2025)
माघ महिना संपतात ऋतुंचा राजा असलेल्या वसंताचे आगमन होतं. फाल्गुन पौर्णिमेला हुताशनी पौर्णिमा म्हणतात. या दिवशी साजरा केला जाणारा उत्सव म्हणजे होलिकोत्सव. यालाच होळी असं म्हणतात, तर कोकणात ‘शिमगा’ म्हणतात. (Holi 2025)
कोकणात शिमगोत्सव हा त्या-त्या गावातील परंपरेनुसार साजरा केला जातो. (Holi 2025)
कोकणात शिमगोत्सवात प्रत्येक घरी देव भेटायला येतो. देवाची पालखी घरी येते. (Holi 2025)
कोकणात ज्या घरी पालखी य़ेत नाही त्या गावी देवाचे निशाण आणले जाते. (Holi 2025)
चिपळूण तालुक्यातील सावर्डे गावी होळीसाठी 'व्होल्टे होम' नावाचा एक अनोखा खेळ खेळला जातो, ज्यात जळलेली लाकडं एकमेकांवर फेकली जातात. मात्र याचे विशेष असे की, यात कोणालाही इजा होत नाही. (Holi 2025)
रत्नागिरी भागात शिमगोत्सवातील संकासूरची परंपरा फार पूर्वीपासून चालत आलेली आहे. डोक्यावर उंच टोपरे, त्या टोपऱ्यावर गोल फिरणारा गोंडा असतो. चेहऱ्यावर कापडाचा मुखवटा त्याला लाल रंगाचे कापडी नाक, जीभ आणि कान तसेच पांढऱ्याशुभ्र दाढीमुळे संकासूर अधिक आकर्षक दिसतात. (Holi 2025)
शिमगोत्सव काळात पारंपारिक गोमू डान्स पाहायला मिळतो. काही पुरूष स्त्रियांच्या वेशात घरोघरी येऊन पारंपारिक नृत्य करतात. (Holi 2025)
