BJP चा अजेंडा मथुरेत ठरणार

• वंदना बर्वे

उत्तर प्रदेशातील अयोध्या आणि बनारसप्रमाणेच मथुराही भाजपसाठी (BJP) महत्त्वाची आहे. या तीनही लोकसभेच्या जागा आहेत. अयोध्या आणि काशीनंतर भाजपचा (BJP) मोठा राजकीय अजेंडा आता मथुरेतून सेट होणार असल्याचे बोलले जात आहे. अशा स्थितीत मथुरेसारखी महत्त्वाची जागा भाजप (BJP) आपल्या मित्रपक्षांपैकी कोणाला देऊ शकेल काय? असा मोठा प्रश्न निर्माण झाला आहे. किंबहुना, मथुराची जागा जयंत चौधरी यांना दिली जाईल, असा भाजप (BJP) आणि राष्ट्रीय लोक दल यांच्यात झालेल्या कराराबाबत अटकळ आहे. राजकीय जाणकारांच्या मते, मथुरा हे भाजपसाठी आगामी पाच वर्षांत केवळ राजकीयदृष्ट्या महत्त्वाचे नसून, धार्मिक श्रद्धेचे प्रमुख केंद्र म्हणून भाजप (BJP) सरकार येथे लक्ष केंद्रित करत आहे. अशा परिस्थितीत भाजपला मथुराची जागा आरएलडीसाठी सोडणे राजकीयदृष्ट्या शक्य दिसत नाही, असे राजकीय जाणकारांचे मत आहे. मात्र, बऱ्याच विचारमंथनानंतरच जागा निश्चित होतील. (BJP)

रालोद नेते जयंत चौधरी १६ फेब्रुवारीपूर्वी भाजपच्या छावणीत सामील होण्याची शक्यता आहे. राष्ट्रीय लोकदलातील सूत्रानुसार, पक्षाचा हा निर्णय केवळ राजकीयदृष्ट्या फायदेशीर ठरणार नाही, तर पश्चिम उत्तर प्रदेशातील आपले अस्तित्व वाचवण्यासाठीही हा निर्णय दीर्घकालीन फायदेशीर ठरणार आहे. राष्ट्रीय लोकदल एनडीएमध्ये सामील झाल्यास तो शहाणपणाचा निर्णय ठरेल, असेही राजकीय जाणकारांचे मत आहे. २००९ मध्ये राष्ट्रीय लोकदलाने भाजपसोबत (BJP) निवडणूक लढवली होती. पण सरकार स्थापन न झाल्यामुळे त्यांनी संपुआची वाट धरली होती. आता राष्ट्रीय लोकदल गेल्या दशकापासून केंद्रातील सत्तेबाहेर आहे. सध्याचे वातावरण पाहता राष्ट्रीय लोकदलाने पुन्हा एकदा भाजपसोबत (BJP) राजकारणात हातमिळवणी केली, तर आरएलडीला त्यात निश्चितच आपला राजकीय फायदा दिसतो, असे त्यांचे म्हणणे आहे. (BJP)

मात्र, या काळात जयंत चौधरी मथुरेच्या जागेवर दावा करणार की नाही, याची मोठी चर्चा आहे. कारण मथुरा हे आगामी काळात भाजपसाठी अयोध्या आणि काशीइतकेच महत्त्वाचे आहे. हिंदुत्वाच्या दृष्टिकोनातून भाजपची (BJP) मथुरेत आगामी काळात राजकीय कसोटी लागणार आहे. अयोध्येत राम मंदिराच्या उभारणीनंतर भाजपचे बडे रणनीतीकार आता पूर्णपणे मथुरेवर लक्ष केंद्रित करत आहेत. मथुरा हे पुढील काही वर्षांसाठी भाजपच्या राजकीय धुरीणातील महत्त्वाचे केंद्र असणार आहे. अशावेळी मथुरेसारखी महत्त्वाची जागा राष्ट्रीय लोकदलाला देण्याआधी भाजप कोणत्याही परिस्थितीत राजकीय नफा-तोट्याचे आकलन करेल. या लोकसभा निवडणुकीत मथुरा ही भाजपसाठी बनारस आणि अयोध्यासारखी महत्त्वाची जागा आहे यात दुमत नाही. (BJP)

(हेही वाचा – Chandrashekhar Bawankule : घरेलू कामगारांच्या नोंदणी शुल्कात कपात; चंद्रशेखर बावनकुळेंच्या पाठपुराव्याला यश)

मथुरा लोकसभा जागेवर अंदाजे १९ लाख मतदार

गेल्या दोन लोकसभा निवडणुकीत भाजपने (BJP) या जागेवर आपली पकड कायम ठेवली आहे. १९९१ ते २०१९ पर्यंत, २००४ मधील एक निवडणूक वगळता ही जागा भाजप (BJP) किंवा त्यांच्या आघाडीने जिंकली आहे. यामध्ये जयंत चौधरी यांनी २००९ मध्ये राष्ट्रीय लोकदल आणि भाजपसोबत युती करून निवडणूक लढवली होती तेव्हा जयंत चौधरी विजयी झाले होते. मथुरा लोकसभा जागेवर अंदाजे १९ लाख मतदार आहेत. त्यामध्ये सुमारे साडेतीन लाख जाट, सुमारे तीन लाख ब्राह्मण-ठाकूर, सुमारे दीड लाख अनुसूचित जाती आणि तेवढेच वैश्य आहेत. याशिवाय सुमारे १.२५ लाख मुस्लिम आणि सुमारे ७० हजार यादव मतदार आहेत. तर इतर जातीचे सुमारे चार लाख मतदार आहेत. या जातीय समीकरणांना न जुमानता २०१४ आणि २०१९ मध्ये भाजपने मथुरेत सातत्याने निवडणुका जिंकल्या आहेत. (BJP)

काशी आणि अयोध्येनंतर आता राजकीय वर्तुळात मथुराची सर्वाधिक चर्चा होत असताना भाजप (BJP) ही जागा कोणत्याही मित्रपक्षाला कशी काय देणार? असा प्रश्न निर्माण झाला आहे. किंबहुना मथुरेची जागा राष्ट्रीय लोकदलाकडे जाण्याची शक्यता फारशी दिसत नाही, असेही काही जणांचे मत आहे. राष्ट्रीय लोकदल एनडीएमध्ये सामील झाल्यास केवळ उत्तर प्रदेशातच नव्हे तर राजकीय भागीदार बनून आपली आघाडी मजबूत करू शकेल, असे राजकीय जाणकारांचे मत आहे. खरे तर केंद्रात मोदी सरकार पुन्हा आले तर दिल्लीच्या राजकारणातही राष्ट्रीय लोकदलाचा मोठा प्रभाव पडू शकतो. राजकीय जाणकारांच्या मते या सर्व राजकीय शक्यता पाहता राष्ट्रीय लोकदल एनडीएशी हातमिळवणी करणार असल्याची चर्चा आहे. (BJP)

हेही पहा –