Kandivli हौसिंग सोसायटीतील अनधिकृत मशीद एक महिन्यात पाडणार! -Shambhuraj Desai यांचे विधानसभेत आश्वासन

खास प्रतिनिधी

कांदिवलीतील (Kandivli ) चारकोप भागात असलेल्या बैठ्या हौसिंग सोसायटीतील तीन घरे एकत्र जोडून मशिदीत रूपांतर केलेले अनधिकृत बांधकाम एका महिन्यात तोडण्यात येईल, असे आश्वासन मंत्री शभुराज देसाई (Shambhuraj Desai) यांनी विधानसभेत दिले. तसेच तसेच ‘एमआरटीपी’चा गुन्हा दाखल करण्याबाबत म्हाडाच्या क्षेत्रीय अधिकाऱ्यांना सूचना दिल्या जातील, असे देसाई यांनी स्पष्ट केले. (Shambhuraj Desai)

रितसर परवानगी नाही

भाजपाचे आमदार योगेश सागर यांनी शुक्रवारी २१ मार्च २०२५ या दिवशी विधानसभेत एका लक्षवेधीद्वारे या विषयाकडे सभागृहाचे लक्ष वेधले. “चारकोप येथील सेक्टर १ मध्ये प्लॉट नं. १४५ वर ‘नशेमन सहकारी गृहनिर्माण संस्था’ ही म्हाडाची निवासी वास्तू अस्तित्वात आहे. तेथील खोली क्र. १४ ते १६ मध्ये अनधिकृतरित्या मशिद सुरु करण्यात आली आहे. या खोली मालकांनी धार्मिक स्थळ सुरू करण्याबाबत हौसिंग सोसायटी, महापालिकेकडून अथवा म्हाडाकडून कोणतीही रितसर परवानगी घेतलेली नाही,” असे सागर यांनी सांगितले. (Shambhuraj Desai)

पालिका, पोलीस, म्हाडाकडे तक्रार

“सद्यःस्थितीत या सोसायटीतील ३० पैकी २७ घरांमध्ये हिंदू कुटुंबे राहतात. मशिदीमुळे मुस्लिम समाजाच्या व्यक्तींची या वास्तूत सातत्याने वर्दळ असते. स्थानिक रहिवाशांना त्याचा त्रास होत असल्याच्या तक्रारी संबंधितांनी मुंबई पालिका, स्थानिक पोलीस, म्हाडा आणि लोकप्रितनिधींकडे केल्या. ही बाब अतिशय गंभीर असून, या परिसरात नाहक जातीय तेढ निर्माण होण्याची शक्यता आहे. त्यामुळे या बाबीची तातडीने चौकशी करुन कारवाई करावी. हौसिंग सोसायटीमधून मशीद तात्काळ हटविण्यात यावी,” अशी मागणी योगेश सागर यांनी केली. तसेच म्हाडामार्फत संबंधितांविरुद्ध एमआरटीपी अंतर्गत कारवाई करण्याची परवानगी देणार का? असा सवाल सागर यांनी केला. (Shambhuraj Desai)

‘एमआरटीपी’चा गुन्हा

सागर यांच्या प्रश्नावर मंत्री शंभुराज देसाई यांनी उत्तर देताना मान्य केले की तीन खोल्या एकत्र करून अनधिकृत प्रार्थनास्थळ निर्माण केल्याचे आढळून आले आहे. देसाई पुढे म्हणाले, संबंधित हौसिंग सोसायटीत ३५ बैठ्या खोल्या आहेत. त्यातील १४ ते १६ क्रमांकाच्या खोल्या विशिष्ट समाजाच्या आहेत. स्थळपाहणी केल्यानंतर या खोल्या एकत्र करून अनधिकृत प्रार्थनास्थळ तयार केल्याचे आढळून आले आहे. याबाबतची सुनावणी दि. १८ मार्च रोजी संबंधितांना नोटीस पाठवून ठेवण्यात आली होती. मात्र, त्यास कोणीही हजर राहिले नाही किंवा लेखी म्हणणे मांडले नाही. सकृतदर्शनी हे धार्मिक स्थळ बेकायदेशीर असल्याचे निदर्शनास आल्याने एका महिन्याच्या आत हे अतिक्रमण पाडण्यात येईल. तसेच ‘एमआरटीपी’चा गुन्हा दाखल करण्याबाबत म्हाडाच्या क्षेत्रीय अधिकाऱ्यांना सूचना दिल्या जातील, असे देसाई यांनी स्पष्ट केले. (Shambhuraj Desai)

हेही पहा-