Arvind Kejriwal : ‘मी आरोपी नाही, तर…’ ; ईडीसमोर चौथ्यांदा हजर राहण्यास केजरीवाल यांचा नकार

दिल्लीचे मुख्यमंत्री अरविंद केजरीवाल (Arvind Kejriwal) गुरुवारी (18 जानेवारी) अंमलबजावणी संचालनालयासमोर हजर झाले नाहीत. ईडीने त्यांना या प्रकरणात समन्स बजावण्याची ही चौथी वेळ आहे. मात्र, मागील तीन वेळाप्रमाणेच यावेळीही केजरीवाल तपास यंत्रणेच्या कार्यालयात पोहोचले नाहीत. ईडी कार्यालयाऐवजी मुख्यमंत्री अरविंद केजरीवाल त्यागराज स्टेडियमवर आयोजित ‘एक्सलन्स इन एज्युकेशन’ पुरस्कार कार्यक्रमापर्यंत पोहोचले आहेत.

(हेही वाचा – Hema Malini : आता मथुरेचा नंबर; मथुरेतही कृष्णाचे भव्य मंदिर बनले पाहिजे)

वारंवार समन्स का पाठवले जात आहे?

दिल्लीचे मुख्यमंत्री केजरीवाल (Arvind Kejriwal) यांच्या वतीने आम आदमी पक्षाने (आप) अंमलबजावणी संचालनालयाला पत्र पाठवले आहे. यामध्ये ईडीने वारंवार पाठवलेल्या समन्सबाबत प्रश्न उपस्थित करण्यात आले आहेत. अरविंद केजरीवाल यांना लोकसभा निवडणुकीचा प्रचार करण्यापासून रोखण्यासाठी समन्स पाठवण्यात येत असल्याचे आपने म्हटले आहे. दिल्लीच्या मुख्यमंत्र्यांना (Arvind Kejriwal) अटक करणे हा भाजपचा उद्देश आहे. केजरीवाल हे आरोपी नाहीत, असे ईडीने म्हटले आहे, तरीही वारंवार समन्स का पाठवले जात आहेत, असे आपचे म्हणणे आहे.

(हेही वाचा – PM Narendra Modi : पंतप्रधान नरेंद्र मोदी यांनी प्रसिद्ध केली राम मंदिरावर आधारित टपाल तिकिटे)

केजरीवालांच्या अटकेचीही भीती –

ईडीला दिलेल्या उत्तरात ‘आप’ने म्हटले आहे की, भ्रष्ट नेते भाजपात जातात. ते भाजपात प्रवेश करताच त्यांच्यावरील खटले बंद होतात. आम्ही भ्रष्टाचार केलेला नाही, आमचा एकही नेता भाजपात जाणार नाही. दिल्लीचे माजी उपमुख्यमंत्री मनीष सिसोदिया आणि आम आदमी पक्षाचे राज्यसभा खासदार संजय सिंह हे दिल्ली मद्य घोटाळा प्रकरणात आधीच न्यायालयीन कोठडीत आहेत. याच कारणामुळे पक्षाला केजरीवालांच्या (Arvind Kejriwal) अटकेचीही भीती वाटत आहे.

(हेही वाचा – BMC Khichdi Scam : खिचडी घोटाळ्याचे पैसे राऊतांच्या मुलीच्या खात्यात; किरीट सोमय्या यांचा आरोप)

अरविंद केजरीवाल यांचा तीन दिवसीय गोवा दौरा

सूत्रांनी दिलेल्या माहितीनुसार, अरविंद केजरीवाल (Arvind Kejriwal) पंजाबचे मुख्यमंत्री भगवंत मान यांच्यासोबत गोव्याला जाण्याची शक्यता वर्तवण्यात येत आहे. आगामी लोकसभा निवडणुकीच्या तयारीच्या संदर्भात केजरीवाल १८, १९ आणि २० जानेवारी असा तीन दिवसांचा गोवा दौरा करणार आहेत. या दौऱ्यादरम्यान ते पक्षाच्या कार्यकर्त्यांची भेट घेणार असून एका जाहीर सभेलाही ते संबोधित करण्याची शक्यता आहे. (Arvind Kejriwal)

हेही पहा –