तर योग्य तो धडा शिकवला जाईल, हे याद राखा!

सध्या देशात ‘द काश्मीर फाईल्स’ या  चित्रपटाची जोरदार चर्चा सुरु आहे. जम्मू काश्मीरमध्ये मुस्लिम दहशतवादाला बळी पडलेल्या हिंदूंचं चित्रण करणाऱ्या ‘द काश्मीर फाईल्स’ हा चित्रपट जर थिएटरमध्ये लावू दिला नाही, तर योग्य तो धडा शिकला जाईल, असा इशारा भातखळकरांनी थिएटर मालकांना दिला आहे, सोबतच हे ठाकरे सरकारच्या दबावामुळे घडत असल्याचं म्हणत, सरकारवर निशाणा साधला आहे.

भातखळकरांचं ट्वीट

करमुक्त करण्याची मागणी

जम्मू काश्मीरमधील हिंदू समाजावर मुस्लिम दहशतवाद्यांनी अनन्वित अत्याचार केले. याचं योग्य आणि खरं चित्रीकरण एका चित्रपटाच्या माध्यमातून या देशातील जनतेसमोर येत आहे. त्यामुळे हिंदुत्ववादी भूमिका घेणारे मुख्यमंत्री हा चित्रपट अनेक लोकांनी पहावा याकरिता नक्कीच प्रोत्साहन देतील असा विश्वास आहे, असे पत्र  लिहित  आमदार अतुल भातखळकरांनी हा चित्रपट करमुक्त करण्याची मागणी सरकारकडे केली.

काश्मीर फाईल या सिनेमाला करमाफी द्या… माझी मुख्यमंत्री उद्धव ठाकरे यांच्याकडे पत्राद्वारे मागणी… pic.twitter.com/SUeE0CdpMw

— Atul Bhatkhalkar (@BhatkhalkarA) March 12, 2022