महाराष्ट्रात मोठी राजकीय उलथापालथ ? Sharad Pawar गटातील खासदार Ajit Pawar गटात जाण्याच्या चर्चेला माध्यमांमध्ये उधाण

महाराष्ट्राच्या राजकारणात पुन्हा एकदा मोठी उलथापालथ होण्याची शक्यता वर्तवली जात आहे. राष्ट्रवादी काँग्रेसचे नेते शरद पवार यांच्या गटातील काही खासदार उपमुख्यमंत्री अजित पवार यांच्या गटात सामील होणार असल्याच्या चर्चांनी जोर धरला आहे. या घडामोडींमुळे राज्याच्या राजकीय वर्तुळात खळबळ उडाली आहे. अशा प्रकारच्या बातम्या काही प्रसार माध्यमांवर देखील प्रसारित झाल्या आहेत. काही वृत्तवाहिन्या आणि प्रसारमाध्यमांनी तर दोन्ही राष्ट्रवादी काँग्रेस एकत्र येणार असल्याच्या बातम्या देखील दिल्या आहेत. (Ajit Pawar)

विधानसभा निवडणूक बसलेल्या पराभवाच्या धक्क्यातून सावरत राष्ट्रवादी काँग्रेस शरदचंद्र पवार पक्षाने पुन्हा एकदा पक्ष संघटन बांधणीच्या दृष्टीने तयारी सुरु केल्याचे दिसत आहे. त्याच दृष्टीने राष्ट्रीय अध्यक्ष शरद पवार यांच्या अध्यक्षतेखाली राष्ट्रवादी शरदचंद्र पवार पक्षाकडून ८ आणि ९ जानेवारी रोजी यशवंतराव चव्हाण सेंटर येथे आढावा बैठकीचे आयोजन करण्यात आले आहे. (Ajit Pawar)

या बैठकीस प्रदेशाध्यक्ष जयंत पाटील, राष्ट्रीय कार्याध्यक्षा खा.सुप्रिया सुळे यांच्यासह पक्षाचे आजी-माजी आमदार, खासदार, विधानसभेचे उमेदवार, जिल्हाध्यक्ष, पक्षाच्या विविध आघाडीचे प्रमुख, तालुका अध्यक्ष तसेच प्रदेश पदाधिकारी उपस्थित राहणार आहेत. या दोन दिवसांच्या बैठकीत विधानसभा निवडणूकीत मतदान यंत्रावरचे आक्षेप, पक्षाच्या पराभूत उमेदवारांनी मतदान यंत्रासंदर्भात उच्च न्यायालयात करायच्या याचिका, सरकारी योजनांचा मतदानांवरचा परिणाम आणि आगामी स्थानिक स्वराज्य संस्थांच्या निवडणुकांची तयारी यावर चर्चा होण्याची शक्यता आहे. तसेच विद्यमान  प्रदेशाध्यक्ष जयंत पाटील हे गेल्या सात वर्षांपासून पक्षाचे प्रदेशाध्यक्ष पद सांभाळत आहेत. राष्ट्रवादीच्या नियमानुसार तीन वर्षांनंतर प्रदेशाध्यक्ष पदाची निवड होते. त्यामुळे या बैठकीत नव्या प्रदेशाध्यक्षांसोबतच विधिमंडळ पक्षनेताही निवडण्यात येणार असल्याची चर्चा आहे. (Ajit Pawar)

सूत्रांच्या माहितीनुसार, शरद पवार गटातील काही खासदारांनी अजित पवार गटाशी संपर्क साधला आहे. राष्ट्रवादी काँग्रेसमधील अंतर्गत मतभेद आणि आगामी लोकसभा निवडणुकीच्या पार्श्वभूमीवर या खासदारांनी पक्षांतरणाचा विचार सुरू केला आहे. अजित पवार गटाशी जवळीक साधून विकासकामांसाठी अधिकाधिक निधी मिळवण्याची आशा या नेत्यांना असल्याचे बोलले जात आहे. (Ajit Pawar)

शरद पवार गटातील काही नेत्यांनी मात्र या चर्चांना अफवा म्हणत फेटाळले आहे. “शरद पवार यांच्या नेतृत्वावर आमचा पूर्ण विश्वास आहे. पक्ष सोडण्याचा प्रश्नच उद्भवत नाही,” असे शरद पवार गटाच्या नेत्यांचे म्हणणे आहे. (Ajit Pawar)

दरम्यान, अजित पवार गटाने या घडामोडींवर सावध प्रतिक्रिया व्यक्त केली आहे. त्यांनी म्हटले, “आमचे दार सर्वांसाठी खुले आहेत. विकासाच्या दृष्टीने काम करणाऱ्या कोणत्याही नेत्याला आम्ही साथ देऊ.” (Ajit Pawar)

राजकीय विश्लेषकांच्या मते, जर ही चर्चा खरी ठरली, तर शरद पवार गटाला मोठा धक्का बसू शकतो. विशेषतः आगामी लोकसभा आणि विधानसभा निवडणुकांच्या पार्श्वभूमीवर, ही उलथापालथ राष्ट्रवादी काँग्रेसच्या दोन्ही गटांमध्ये तणाव वाढवू शकते. (Ajit Pawar)

या पार्श्वभूमीवर, शरद पवार गट आणि अजित पवार गट यांच्यातील संबंध अधिक ताणले जाण्याची शक्यता आहे. आगामी काही दिवसांत या संदर्भात अधिक स्पष्टता येईल. (Ajit Pawar)