महापालिकेतील त्या तीन कंत्राट कंपन्यांवर भाजपची वक्रदृष्टी

मुंबईतील सुशोभिकरणाची ५० टक्क्के कामे डिसेंबरपर्यंत पूर्ण करण्याचे लक्ष्य ठेवण्यात आले असले तरी मालाड (पी- उत्तर) भागातील सुशोभिकरणासाठी मागवलेल्या निविदेमध्ये वाजवीपेक्षा सर्वांत कमी दर लावून मिळवण्याचा प्रयत्न झाला. मात्र, महापालिकेच्या अंदाजित दरापेक्षाही २५ ते ३० टक्के कमी दराने निविदा भरण्याचा प्रयत्न केल्याने एवढ्या कमी दरात ही कामे करणे शक्य नसल्याची बाब भाजपचे महापालिकेतील माजी पक्षनेते विनोद मिश्रा यांनी निदर्शनास आणून दिल्यानंतर ही निविदा प्रक्रियाच रद्द करण्यात आली आहे. त्यामुळे या निविदेत भाग घेणाऱ्या राजदीप एंटरप्रायझेस, वैभव एंटरप्रायझेस आणि कपूर ट्रेडिंग कंपनी या कंपन्यांविरोधात आता दक्षता विभागाकडे तक्रार करून मागील दोन वर्षांतील त्यांनी केलेल्या कामांची चौकशी करण्याची मागणी भाजपने केली आहे.

कोविड काळातील खरेदीसह इतर कामांच्या खर्चाची राज्य सरकारने विशेष कॅग चौकशी करण्याचे आदेश दिलेले असून त्याप्रमाणे या चौकशीला सुरुवात झालेली आहे. त्यातच आता भाजपने भ्रष्टाचार, कमी दरात निविदा, संगनमत या मालिकेतील महापालिका अधिकाऱ्यांच्या मिलिभगत, अशा नवीन प्रकरणावर प्रकाश टाकला आहे.

आता मालाड पी/उत्तर वॉर्ड सुशोभीकरण प्रकल्पाच्या निविदेत राजदीप एंटरप्रायझेस अंदाजे किंमतीपेक्षा ३० टक्के निविदेत पात्र ठरली. एएसडी आणि बँक गॅरंटीचे कडक नियम असूनही, अधिका-यांच्या हातमिळवणीमुळे, अंदाजे किंमत वाढवून बोलीदारांना सुमारे ७ कोटी रुपयांची सूटही देण्यात आली आहे. त्यामुळे या निविदेवर स्पष्टपणे शंका निर्माण केली जात आहे. या दोन्ही घटनांमध्ये जनतेच्या पैशांची लूट होत आहे. यापूर्वी महापालिका उद्यान विभागाच्या निविदा रद्द करण्यात आल्या होत्या. यापूर्वी अशाप्रकारे कमी दरात निविदा भरणाऱ्या निविदाकारांनचे अर्नेस्ट मनी डिपॉझिट आणि अनामत रक्कम जप्त केले होते. कारण कंत्राटदारांनी अंदाजापेक्षा २० टक्के पेक्षा जास्त बोली लावली होती. त्यानंतरही निविदा रद्द करून पुन्हा निविदा मागविण्यात आल्या होत्या. गेल्या अडीच वर्षांत संशयास्पदरीत्या वाटप केलेल्या १२ हजार कोटी रुपयांच्या कामांचे कॅग ऑडिट करण्याचे आदेश राज्य सरकारने दिले आहेत.

या प्रकरणात राजदीप एंटरप्रायझेस, वैभव एंटरप्रायझेस आणि कपूर ट्रेडिंग कंपनी यांसारख्या संबंधित कंपन्यांनी केवळ २५टक्के कमी दरात निविदेत भाग घेतला. अंदाजे खर्चापेक्षा कमी दरात सहायक आयुक्त (नियोजन) मध्ये निविदा प्राप्त झाल्या आहेत. त्यामुळे या निविदेत पात्र ठरलेल्या राजदीप एंटरप्रायझेस आणि त्यांच्याशी संबंधित वैभव एंटरप्रायझेस व कपूर ट्रेडिंग कंपनी याची दक्षता विभागामार्फत चौकशी करण्यात यावी.असे करून कठोर कारवाई करावी,अशी मागणी भाजपचे माजी पक्षनेते विनोद मिश्रा यांनी केली आहे. त्याचबरोबर गेल्या २ वर्षात किती कामे व कामाचा दर्जा तपासून वरील त्रुटींची मुंबईकरांना जाणीव करून द्यावी,अशी मागणीही त्यांनी सहआयुक्त (दक्षता) अजित कुंभार यांच्याकडे निवेदनाद्वारे केली आहे.

जोपर्यंत दक्षता चौकशी पूर्ण होत नाही, तोपर्यंत या तिन्ही कंपन्यांचे व्हेंडर आयडी निलंबित करावेत आणि कंपन्यांना महापालिकेच्या कोणत्याही निविदांमध्ये सहभागी होण्यापासून रोखण्यात यावे आणि कंपन्यांचे संचालक, मालक आणि मालक यांना काम पूर्ण करू द्यावे,असे विनोद मिश्रा यांनी म्हटले आहे. निविदांमध्ये हेराफेरी करून आणि अवास्तव कमी दराने कंत्राटे मिळवून काम पूर्ण न करता आणि दर्जेदार कामांना जाणीव पूर्वक विलंब करून महापालिकेची तिजोरी लुटण्याचा प्रयत्न केला जात असल्याचे प्रकार घडत असल्यामुळेच या तिन्ही कंपन्यांनी यापूर्वी केलेल्या कामांची चौकशी केली जावी अशी मागणी केल्याचे मिश्रा यांनी म्हटले आहे.