महापुरुषांबाबत करण्यात येणारी आक्षेपार्ह वक्तव्य आणि राज्यातील इतर प्रश्नांसाठी महाविकास आघाडीतर्फे हल्लाबोल मोर्चाचे आयोजन करण्यात आले होते. या मोर्चादरम्यान झालेल्या सभेत मविआच्या नेत्यांनी सत्ताधाऱ्यांवर जोरदार टीका केली.
( हेही वाचा : अर्थसंकल्पापूर्वी निर्मला सीतारमन यांनी घेतले महत्त्वाचे निर्णय! ४८ व्या जीएसटी कौन्सिल परिषदेत झाली चर्चा)
अतुल भातखळकरांचे ट्वीट
सभेत उद्धव ठाकरेंनीही उपस्थितांना मार्गदर्शन केले, यावेळी करण्यात आलेल्या भाषणात उद्धव ठाकरेंनी आग्र्याहून सुटल्यानंतर छत्रपती शिवाजी महाराजांनी स्वराज्य स्थापन केलं असे विधान केले यावर आता भाजपचे आमदार अतुल भातखळकर यांनी निशाणा साधला आहे. “उद्धव जी, तुमच्याकडून इतिहास घडवण्याची अपेक्षा नाही. पण किमान इतिहास सांगताना अगाध अज्ञानाचे प्रदर्शन तरी नको…” असे ट्वीट करत भातखळकरांनी खाली व्हिडिओचा संदर्भ जोडला आहे. यात स्वराज्य स्थापन कधी झाले, आग्र्याहून महाराजांची सुटका केव्हा झाली याच्या तारखाही नमूद करण्यात आल्या आहेत.
महाविकास आघाडीने महापुरुषांबाबत करण्यात येणाऱ्या आक्षेपार्ह वक्तव्यांविरोधात हा मोर्चा काढला होता असे असताना उद्धव ठाकरेंचा व्हायरल होणारा हा व्हिडिओ आता चर्चेचा विषय ठरत आहे. यालाच अनुसरून भाजपचे आमदार अतुल भातखळकर यांनी उद्धव ठाकरेंवर टीकास्त्र सोडले आहे.
Join Our WhatsApp Communityउद्धव जी, तुमच्याकडून इतिहास घडवणाची अपेक्षा नाही. पण किमान इतिहास सांगताना अगाध अज्ञानाचे प्रदर्शन तरी नको… https://t.co/1cXu0rQWf3
— Atul Bhatkhalkar (@BhatkhalkarA) December 17, 2022