अमरावती शहरातील लव्ह जिहादच्या प्रकरणामुळे वातावरण चांगलेच तापले आहे. अमरावती जिल्ह्यातील चिखलदरा तालुक्यातील कोटमी गावातील आदिवासी मुलीच्या (19) हत्येचे प्रकरण चांगलेच तापले आहे. भारतीय जनता पक्षाचे राज्यसभा सदस्य अनिल बोंडे यांनी स्थानिक पोलिसांवर या हत्याकांडावर पडदा टाकण्याचा गंभीर आरोप केला आहे. लव्ह जिहादशी संबंधित ही हत्या असल्याचे त्यांनी सांगितले.
या घटनेनंतर खासदार अनिल बोंडे यांनी मुख्यमंत्री एकनाथ शिंदे यांच्याकडे उच्चस्तरीय चौकशीची मागणी केली आहे. लव्ह जिहादमुळेच या मुलीची हत्या झाल्याचे त्यांनी म्हटले आहे. यासह ते असेही म्हटले की, 20 जुलै रोजी शाहरुख उर्फ झाकीरने परतवाडा येथून या मुलीचे अपहरण केले. त्यानंतर तो तिला पुण्याला घेऊन गेला. 17 ऑगस्ट रोजी पुण्यातील आदिवासी तरुणांच्या मदतीने मुलीला गावात परत आणण्यात आले. 18 ऑगस्ट रोजी शाहरुख उर्फ झाकीर त्याच्या मित्रासह गावी पोहोचला आणि तरुणीला त्याच्या दुचाकीवरून कुठेतरी घेऊन गेला.
(हेही वाचा – बदनामीचा प्रयत्न असल्याचे म्हणत…’त्या’ व्हायरल होणाऱ्या पत्रावर शिंदे गटाचे स्पष्टीकरण)
दरम्यान, 19 ऑगस्ट रोजी गावातील विहिरीत मुलीचा मृतदेह आढळून आला. या पीडितेच्या वडिलांनी चिखलदरा पोलीस ठाण्यात फिर्याद दिली होती की, परतवाडा येथील शाहरुख उर्फ झाकीर याने आपल्या मुलीची हत्या केली होती. यासंदर्भात लवकरच उपमुख्यमंत्री देवेंद्र फडणवीस यांची भेट घेणार असल्याचे अनिल बोंडे यांनी सांगितले आहे.
Join Our WhatsApp Community