राऊतांनंतर आता भरत गोगावलेंनी सभागृहातच वापरला ‘तो’ आक्षेपार्ह शब्द; विरोधक भडकले

काय म्हणाले संजय राऊत?

विधीमंडळामध्ये बनावट शिवसेना आहे. हे बनावट चोरांचे मंडळ आहे. त्यांनी आम्हाला पदावरुन काढले तरी आम्ही पक्ष सोडणार नाही. कारण अशी अनेक पदे आम्हाला पक्षाने, बाळासाहेब ठाकरे यांनी दिली. ती पदे आम्ही अशी ओवाळून टाकतो. पदे गेली तर परत येतील, पण आम्हाला आमचा पक्ष महत्त्वाचा आहे, असे संजय राऊत यांनी कोल्हापुरात प्रसारमाध्यमांशी बोलताना म्हटले.

भरत गोगावले म्हणाले ‘भाडखाऊ’

संजय राऊत यांच्या विधानावर विधानसभेत बोलताना भरत गोगावले म्हणले की प्रत्येक गोष्टीला एक प्रमाण असते. प्रमाणाच्या बाहेर गेल्यानंतर अती तिथे माती हे ठरलेले आहे. हक्कभंग व्हायलाच पाहिजे. लोकांच्या भावना भडकत आहेत. बाहेर प्रक्षोभक वातावरण होऊ द्यायचे नसेल तर कारवाई झालीच पाहिजे. या माणसाला अधिकार कोणी दिला? हे स्वत:ला इतके शहाणे समजत आहेत? भाड खायला पाहिजे पण इतका भाडखाऊपणा नको. राऊत यांच्यावर कारवाई करा.