Veer Savarkar : राहुल गांधींना खुश करण्यासाठी सपकाळांसारखे काँग्रेस नेते सावरकरांवर टीका करतात; चंद्रशेखर बावनकुळे यांचा घणाघात

• प्रतिनिधी

भारतीय जनता पक्षाचे (भाजपा) प्रदेशाध्यक्ष चंद्रशेखर बावनकुळे (Chandrashekhar Bawankule) यांनी काँग्रेस नेते हर्षवर्धन सपकाळ आणि शिवसेना (उबाठा) नेते संजय राऊत यांच्यावर तीव्र शब्दांत टीका केली. वीर सावरकरांचा (Veer Savarkar) अपमान आणि राजकीय बडबड यावरून त्यांनी दोन्ही नेत्यांना लक्ष्य केले. पत्रकार परिषदेत बोलताना बावनकुळे यांनी विरोधकांच्या वक्तव्यांचा समाचार घेतला.

हर्षवर्धन सपकाळ यांच्यावर टीका करताना बावनकुळे (Chandrashekhar Bawankule) म्हणाले, “काँग्रेस नेते वीर सावरकरांचा (Veer Savarkar) अपमान करतात. हे वीर सावरकर, ज्यांनी देशासाठी आपले जीवन समर्पित केले, त्यांच्याबद्दल बोलताना काँग्रेसची खरी मानसिकता दिसते. सपकाळ आणि त्यांच्यासारखे नेते केवळ राहुल गांधींना खुश करण्यासाठी अशी वक्तव्ये करतात. त्यांना स्वातंत्र्यवीरांचा इतिहास आणि त्यागाची जाणच नाही.” त्यांनी काँग्रेसवर हिंदुत्वविरोधी भूमिका घेतल्याचा आरोपही केला.

(हेही वाचा – Virat Kohli : किंग कोहलीसाठी पुढील उद्दिष्ट काय, त्याने स्वत:च केलं स्पष्ट!)

संजय राऊत यांच्यावरही बावनकुळे यांनी जोरदार हल्ला चढवला. ते म्हणाले, “संजय राऊत यांना भाजपा आणि पंतप्रधान नरेंद्र मोदींचे नाव घेतल्याशिवाय चैन पडत नाही. एखाद्याला पंडू रोग झाला की तो काहीही बडबडतो, तशीच त्यांची अवस्था आहे. त्यांना भाजपा आणि पंतप्रधान मोदींचे नाव घेतले की विस्मृती होते. त्यांची ही बडबड जनतेला आता कंटाळवाणी वाटते.” बावनकुळे (Chandrashekhar Bawankule) यांनी राऊत यांच्या टीकांना बेफिकीरपणाचे लक्षण ठरवले.

या टीकेमुळे राजकीय वातावरण तापण्याची शक्यता आहे. बावनकुळे (Chandrashekhar Bawankule) यांनी वीर सावरकरांचा (Veer Savarkar) अपमान आणि राऊत यांच्या वक्तव्यांवरून विरोधकांना कोंडीत पकडण्याचा प्रयत्न केला आहे. यावर काँग्रेस आणि शिवसेना (उबाठा) कडून काय प्रतिक्रिया येते, हे पाहणे महत्त्वाचे ठरेल.

हेही पहा –