मुख्यमंत्री Devendra Fadnavis तीन दिवस दिल्लीतील प्रचारदौऱ्यावर

महाराष्ट्राचे मुख्यमंत्री देवेंद्र फडणवीस हे २९ ते ३१ जानेवारी या तीन दिवस दिल्ली विधानसभा निवडणुकीसाठी प्रचारासाठी दिल्लीत जाणार आहेत. दिल्लीतील निवडणुकीत भाजपाच्या प्रचाराला गती देण्यासाठी फडणवीस यांच्या नेतृत्वाखाली प्रचारसभा आयोजित करण्यात आल्या आहेत. भाजपाच्या स्टार प्रचारकांच्या यादीत त्यांचा समावेश असून त्यांच्या प्रचार दौऱ्याला महत्त्व दिले जात आहे. (Devendra Fadnavis)

२९ जानेवारी रोजी फडणवीस यांच्या प्रचारसभेची सुरुवात डीसी चौक, सेक्टर ९, रोहिणी येथून होणार आहे. यानंतर पहाडगंज भागातील मराठी प्रकोष्ठाच्या बैठकीला ते उपस्थित राहतील. त्यांच्या सभांच्या माध्यमातून भाजपाला दिल्लीतील मराठी आणि इतर समुदायांमध्ये जनसंपर्क वाढवण्याचा प्रयत्न केला जाणार आहे. (Devendra Fadnavis)

(हेही वाचा- Maharashtra Govt ने जिल्हा नियोजन समितीवरील आणि कार्यकारी समितीवरील सदस्यांची नियुक्ती केली रद्द)

३० आणि ३१ जानेवारीलाही विविध ठिकाणी फडणवीस यांचे प्रचार दौरे आयोजित करण्यात आले आहेत. दिल्लीत भाजपाचे मतदारांशी थेट संवाद साधण्यासाठी फडणवीस यांचे नेतृत्व महत्त्वाचे मानले जात आहे. त्यांच्या अनुभवाचा फायदा घेत, पक्षाला अधिकाधिक मतदार जोडण्याचा प्रयत्न होईल. (Devendra Fadnavis)

दिल्ली विधानसभा निवडणुकीसाठी भाजपाने देशभरातून अनेक दिग्गज नेते आणि स्टार प्रचारकांना मैदानात उतरवले आहे. फडणवीस यांची उपस्थिती दिल्लीतील मराठी मतदारांसोबत इतर समुदायांमध्येही भाजपाच्या भूमिकेचा प्रभाव निर्माण करेल, अशी अपेक्षा आहे. (Devendra Fadnavis)

(हेही वाचा- लहान कलाकारांवरील अन्याय दूर करण्यासाठी विशेष न्यायाधिकरण स्थापन करू; कामगार मंत्री Akash Fundkar यांचे प्रतिपादन)

दिल्ली निवडणुकीच्या पार्श्वभूमीवर फडणवीस यांचे हे तीन दिवसांचे दौरे भाजपासाठी निर्णायक ठरू शकतात. त्यामुळे त्यांच्या प्रत्येक सभेला दिल्लीतील राजकीय वर्तुळात विशेष महत्त्व दिले जात आहे. (Devendra Fadnavis)

हेही पहा-