कॅनडामध्ये खलिस्तानच्या मुद्द्यावर वातावरण ताणले गेले असतांना कॅनडाचे खासदार आणि न्यू डेमोक्रॅटिक पक्षाचे प्रमुख जगमीत सिंग यांनी हिंदूंना आश्वस्त केले आहे. (Gurpatwant Pannu) जगमीत सिंग यांनी कॅनडात राहणाऱ्या हिंदूंना सांगितले आहे की, हे तुमचे स्वतःचे घर आहे आणि तुम्हाला येथे राहण्याचा अधिकार आहे. जर कोणी तुम्हाला चुकीचे बोलले तर ते आमच्या मूल्यांच्या धरून नाही.
हिंदूंचे कॅनडामधील योगदान अमूल्य कॅनडातील विरोधी पक्षनेते पियरे पॉइलीव्हरे यांनीही आपल्या संदेशात लोकांसाठी विशेषत: हिंदूंसाठी विशेष गोष्टी सांगितल्या आहेत. ते म्हणाले, ‘‘प्रत्येक कॅनेडियन निर्भयपणे जगण्यास पात्र आहे. अलीकडच्या काळात, कॅनडातील हिंदूंना लक्ष्य करणाऱ्या द्वेषपूर्ण टिप्पण्या आपण पाहिल्या आहेत. परंपरावादी आमच्या हिंदू शेजारी आणि मित्रांविरुद्धच्या या टिप्पण्यांचा निषेध करतात. आपल्या देशाच्या प्रत्येक भागात हिंदूंनी अमूल्य योगदान दिले आहे आणि त्यांचे येथे नेहमीच स्वागत केले जाईल.” (Gurpatwant Pannu)
(हेही वाचा – Indian Athletes Denied Visa : अरुणाचल प्रदेशची वुशू खेळाडू झाली बेपत्ता)
कॅनडातील सततच्या भाषणबाजीत शीख फॉर जस्टिसचे प्रमुख गुरपतवंत सिंग पन्नू यांनी कॅनडातील हिंदूंना देश सोडून जाण्याची धमकी दिली होती. आता या व्हिडिओचा निषेध केला जात आहे. खलिस्तानी दहशतवादी हरदीपसिंग निज्जरच्या हत्येनंतर भारत आणि कॅनडा यांच्यातील संबंध ताणले गेले आहेत. कॅनडाचे पंतप्रधान जस्टिन ट्रूडो यांनी कॅनडाच्या संसदेत खलिस्तानी दहशतवादी निज्जरच्या हत्येत भारताचा हात असल्याचा आरोप केला होता. त्यानंतर भारतानेही याला प्रत्युत्तर दिले आहे. दोन्ही देशांमधील तणाव इतका वाढला आहे की, हे प्रकरण एकमेकांच्या राजनैतिक अधिकाऱ्यांना बाहेर काढण्यापर्यंत पोहोचले आहे. (Gurpatwant Pannu)
शीख फॉर जस्टीसचा खलिस्तानी दहशतवादी गुरपतवंत पन्नूने एका व्हिडिओमध्ये हिंदूंना कॅनडा सोडून जाण्याची धमकी दिली आहे. ‘भारतीय वंशाचे हिंदू, तुमचे घर भारत आहे. कॅनडा सोडा, भारतात जा. तुम्ही लोक केवळ भारताचे समर्थन करत नाही, तर खलिस्तान समर्थक शीखांच्या भाषण आणि अभिव्यक्ती दडपण्याचे समर्थन करता’, असे पन्नू याने म्हटले आहे. (Gurpatwant Pannu)
हेही पहा –
Join Our WhatsApp Community