DCM Eknath Shinde : विभागवार ‘भाईगिरी’ सुरू…

• प्रतिनिधी

महाराष्ट्राचे उपमुख्यमंत्री एकनाथ शिंदे (DCM Eknath Shinde) यांनी त्यांच्या अखत्यारीतील विभागांच्या बैठका घेण्यास सुरूवात केली आहे. सोमवारी त्यांनी उद्योग विभाग, मराठी भाषा विभाग आणि महाराष्ट्र राज्य रस्ते विकास महामंडळ (MSRDC) यांच्या आढावा बैठका घेतल्या. या बैठका मुंबईतील सह्याद्री अतिथीगृह येथे पार पडल्या.

याआधी उपमुख्यमंत्री आणि वित्तमंत्री अजित पवार यांनी अर्थसंकल्पीय अधिवेशनाच्या पार्श्वभूमीवर बैठका घेतल्या होत्या. तसेच, मुख्यमंत्री देवेंद्र फडणवीस यांनीही प्रत्येक विभागाचा शंभर दिवसांचा कार्यक्रम ठरवून आढावा घेतला होता. मात्र, आता उपमुख्यमंत्री शिंदे (DCM Eknath Shinde) यांनी देखील आपल्या विभागांसाठी स्वतंत्र बैठकांचे नियोजन केल्याने राजकीय वर्तुळात चर्चेला उधाण आले आहे.

(हेही वाचा – Millets tablet : भरडधान्यापासून बनवली भुकेची गोळी ; लष्कराला होणार मोठी मदत)

शिवसेनेची राजकीय गणिते

शिवसेनेकडे असलेल्या विभागांना जास्तीत जास्त निधी मिळावा, यासाठी हा प्रयत्न असल्याचे बोलले जात आहे. अर्थसंकल्पीय अधिवेशनात निधी वाटपाचा मोठा मुद्दा असतो, आणि प्रत्येक गट आपापल्या विभागासाठी अधिकाधिक निधी मिळवण्याचा प्रयत्न करतो. त्यामुळेच उपमुख्यमंत्री शिंदे (DCM Eknath Shinde) यांच्या या बैठका राजकीय ताकद वाढवण्याचा डाव असल्याचे विश्लेषण केले जात आहे.

(हेही वाचा – प्रवासाला निघण्यापूर्वी आता FASTag बॅलन्स नक्की तपासा; लागू झाले आहेत नवे नियम)

महायुतीत अंतर्गत स्पर्धा?

मुख्यमंत्री आणि वित्तमंत्री यांच्या बैठका अपेक्षित असल्या तरी, उपमुख्यमंत्री शिंदे (DCM Eknath Shinde) यांच्या या बैठका महायुतीतील समन्वयाबाबत प्रश्न निर्माण करत आहेत. शिवसेनेला आपल्या ताकदीचे प्रदर्शन करायचे आहे का, किंवा भाजपा आणि राष्ट्रवादीच्या अजित पवार गटापेक्षा आपला प्रभाव अधिक असल्याचे दाखवायचे आहे का, यावर राजकीय विश्लेषक चर्चा करत आहेत.

या बैठका म्हणजे शिवसेनेत अधिक दृढता आणण्याचा प्रयत्न आहे की महायुतीतील अंतर्गत स्पर्धेचा संकेत? हे येत्या अधिवेशनात स्पष्ट होईल.

हेही पहा –