राज्यात रविवारी झालेल्या ग्रामपंचायत निवडणुकीचा आज, मंगळवारी तब्बल ७ हजारांहून अधिक ग्रामपंचायतींचा निकाल हाती येणार आहे. अशातच राज्याचे उपमुख्यमंत्री देवेंद्र फडणवीस यांनी सोमवारी पदाधिकाऱ्यांबरोबर नागपूरात झालेल्या बैठकीत या निवडणुकीत भाजप बाजी मारणार असल्याचा विश्वास व्यक्त केला.
(हेही वाचा – 500 रुपयांत मिळणार LPG सिलिंडर! ‘या’ योजनेत नावाची नोंद असेल तर होणार मोठा फायदा)
काय म्हणाले फडणवीस
नागपुरात पदाधिकाऱ्यांसह बोलत असताना फडणवीसांनी भाजपचाच विजय होईल, असे स्पष्ट म्हटले आहे. ग्रामपंचायत निवडणुकांचा निकाल समोर येणार असून मी तुम्हाला सांगतो, लिहून घ्या, तुम्ही की महाराष्ट्रात पुन्हा नंबर वन भाजप पार्टीच राहील. कोणी काहीही नरेटिव्ह केले तरी आपल्यालाच रेकॉर्ड ब्रेक जागा मिळणार, कोणी काहीही काळजी करू नका, असे म्हणत फडणवीसांनी ग्रामपंचायत निवणुकीत विजयाता विश्वास व्यक्त केला आहे.
रविवारी झालेल्या ग्रामपंचायत निवडणुकीत सरासरी ७४ टक्के मतदान झालं. ३४ जिल्ह्यातील एकूण ७ हजार ६८२ ग्रामपंचायतींसाठी निवडणूक जाहीर झाली होती. काही ठिकाणी बिनविरोध निवड झाल्याने ७ हजार ६८२ ग्रामपंचायतीत रविवारी हे प्रत्यक्ष मतदान झाले.ग्रामपंचायत सदस्यांसह थेट सरपंचपदासाठी मतदान झाले असून या ग्रामपंचायतीत कोणाचा झेंडा फडकतो, कोणाच्या नावाने गुलाल उधळला जातो. हे पाहणं महत्त्वाचे ठरणार आहे.
Join Our WhatsApp Community