Devendra Fadnavis मुख्यमंत्रीपदाची शपथ घेणार! आझाद मैदानावर महायुतीच्या शपथविधीला ‘या’ दिग्गजांची उपस्थिती

देवेंद्र फडणवीस (Devendra Fadnavis) आज (५ डिसेंबर) मुख्यमंत्रिपदाची शपथ घेणार आहेत. पंतप्रधान नरेंद्र मोदी (PM Narendra Modi), केंद्रीय गृहमंत्री अमित शाह (Amit Shah) यांच्यासह अनेक मान्यवरांच्या उपस्थितीत मुंबईच्या आझाद मैदानावर (Azad Maidan) संध्याकाळी 5.30 वाजता शपथविधी सोहळा होईल. तर आज फक्त मुख्यमंत्री आणि दोन उपमुख्यमंत्री शपथ घेणार असून तर बाकीचे मंत्री अधिवेशनाआधी शपथ घेतील, अशी माहिती भाजपचे नेते सुधीर मुनगंटीवार यांनी दिली. (Devendra Fadnavis)

‘अशी’ आहे तयारी …
आझाद मैदानात चोहूबाजूंनी कडेकोट पोलिस बंदोबस्त आहे. शपथविधीच्या ठिकाणी पोहोचण्यासाठी महापालिकेसमोरील मार्ग आणि इतर मार्ग उपलब्ध असतील. मात्र, बुधवारी या सर्व मार्गांवर, आझाद मैदानात मोठ्या प्रमाणावर पोलिस होते. मुंबईतील सर्व पोलिस ठाण्यातील बहुतांश कर्मचाऱ्यांना आझाद मैदानात ड्युटी लावल्याचे काही पोलिसांनी सांगितले. पोलिसांच्या श्वान पथकातील स्फोटके शोधणारे दोन श्वानही या ठिकाणी तैनात करण्यात आले होते. (Devendra Fadnavis)

भव्य शपथविधीसाठी कोणा-कोणाला आमंत्रण?
या शपथविधीसाठी एनडीएशासित राज्याचे मुख्यमंत्री-उपमुख्यमंत्री यांना निमंत्रण करण्यात आलं आहे. या शपथविधीच्या या ग्रँड सोहळ्यासाठी केंद्रीय मंत्री, राज्यपाल यांच्यासह केंद्रीय पदाधिकारी उपस्थित राहणार आहेत. या शपथविधीच्या सोहळ्यासाठी साधू-महंत, कलाकार, साहित्यिक यांनाही निमंत्रण देण्यात आले आहे. (Devendra Fadnavis)

उद्धव ठाकरे, शरद पवार, राज ठाकरे यांना महायुतीकडून निमंत्रण
महायुतीच्या आजच्या शपथविधी सोहळ्याला 19 राज्याच्या मुख्यमंत्र्यांनाही निमंत्रण देण्यात आले आहे. तसेच माजी मुख्यमंत्री उद्धव ठाकरे (Uddhav Thackeray), पृथ्वीराज चव्हाण, अशोक चव्हाण, सुशिलकुमार शिंदे यांना देखील निमंत्रीत केले जाणार आहे. तर भाजपचे राष्ट्रीय अध्यक्ष जेपी नड्डा, केंद्रीय मंत्री नितीन गडकरी, रामदास आठवले यांच्यासह महत्वाचे केंद्रातील पाच मंत्री देखील या सोहळ्याला हजेरी लावणार आहेत. (Devendra Fadnavis)

राजशिष्टाचारनूसार देवेंद्र फडणवीसांच्या शपथविधीचं निमंत्रण देण्यात आलं आहे. याप्रमाणे माजी मुख्यमंत्री असल्याने उद्धव ठाकरेंना देखील निमंत्रण देण्यात आलं आहे. तर महाराष्ट्रातील शरद पवार राज्यसभा सदस्य असल्याने त्यांनाही आजच्या शपथविधीचं निमंत्रण देण्यात आलं आहे. तसेच मनसेप्रमुख राज ठाकरे आणि वंचित बहुजन आघाडीचे नेते प्रकाश आंबेडकर यांना देखील निमंत्रण दिले आहे. त्यामुळे उद्धव ठाकरे, शरद पवार (Sharad Pawar), राज ठाकरे (Raj Thackeray) आजच्या शपथविधी सोहळ्याला उपस्थित राहणार की नाही, याकडे सर्वांचं लक्ष असेल. (Devendra Fadnavis)

प्रत्येक जिल्ह्यातून 29 पदांवरील पदाधिकाऱ्यांना निमंत्रण (Devendra Fadnavis)
लोकसभा सदस्य
राज्यसभा सदस्य
बोर्ड, महामंडळ, आयोग अध्यक्ष
माजी खासदार
केंद्रीय पदाधिकारी
प्रदेश पदाधिकारी
विभाग संघटन मंत्री
विधानसभा सदस्य
विधान परिषद सदस्य
प्रदेश कार्यकारणी सदस्य
प्रदेश विशेष निमंत्रित सदस्य
निमंत्रित सदस्य
लोकसभा कोअर कमिटी
लोकसभा निवडणूक प्रमुख
विधानसभा निवडणूक प्रमुख
विधानसभा संयोजक
जिल्हाध्यक्ष- महामंत्री
मुंबई पदाधिकारी व मोर्चा पदाधिकारी
देशमुख मोर्चा पदाधिकारी
प्रदेश प्रकोष्ट पदाधिकारी
जिल्हा मोर्चा अध्यक्ष
प्रदेश प्रवक्ते
मंडल अध्यक्ष व महामंत्री
मनपा, जि प, पं समिती, नगरपरिषद व नगरपंचायत सदस्य (2017 पासून पुढील)
बाजार समिती सभापती व उपसभापती ( 2017 पासून पुढील)
जिल्हा बँक व सहकारी बँक संचालक/ भाजप पदाधिकारी
सर्व प्रकोष्ट जिल्हा संयोजक
विधानसभा विस्तारक
जिल्हा संवादक

हेही पहा-