-
प्रतिनिधी
संविधान निर्माते भारतरत्न डॉ. बाबासाहेब आंबेडकर यांचा काँग्रेसने वारंवार अपमान केला, तर भारतीय जनता पार्टीने (भाजपा) विविध कृतींमधून त्यांचा सन्मान राखला असल्याची सडकून टीका केंद्रीय विधी आणि न्याय राज्यमंत्री अर्जुन मेघवाल (Arjun Meghwal) यांनी केली. विरोधकांनी डॉ. आंबेडकर, संविधान आणि भाजपाबाबत पसरवलेल्या खोट्या प्रचाराला छेद देत कार्यकर्त्यांनी सत्य जनतेपर्यंत पोहोचवावे, असे आवाहन त्यांनी केले. भाजपाच्या महाराष्ट्र प्रदेश कार्यकारिणीतर्फे आयोजित ‘डॉ. बाबासाहेब आंबेडकर सन्मान अभियान’ कार्यशाळेत ते बोलत होते.
या कार्यशाळेला प्रदेश कार्यकारी अध्यक्ष रविंद्र चव्हाण, भाजपा अनुसूचित जाती मोर्चाचे प्रदेशाध्यक्ष व माजी राज्यमंत्री दिलीप कांबळे, अनुसूचित जाती मोर्चा मुंबईचे अध्यक्ष शरद कांबळे, भाजपा प्रदेश सरचिटणीस माधवी नाईक, ज्येष्ठ नेते भाई गिरकर, ‘सन्मान अभियान’चे संयोजक भरत पाटील, माध्यम विभाग प्रमुख नवनाथ बन, कार्यालय सचिव मुकुंद कुलकर्णी आदी उपस्थित होते.
(हेही वाचा – Health Policy : देशातील उपचार खर्चाचे भीषण वास्तव उघडकीस; आता विमाधारकांनाही सोसवेना उपचार खर्च)
भाजपाने दर्शवला आदर, काँग्रेसचा द्वेष
अर्जुन मेघवाल (Arjun Meghwal) यांनी सांगितले की, “भारतरत्न सन्मान, संविधान गौरव यात्रा, पंचतीर्थ विकास, दीक्षाभूमी विकास, संसदेच्या सेंट्रल हॉलमध्ये बाबासाहेबांचे तैलचित्र लावणे यांसारख्या अनेक कृतींमधून भाजपाने बाबासाहेबांप्रती असलेला आदर दर्शवला आहे. याउलट, काँग्रेसने कायम बाबासाहेबांचा द्वेष केला. निवडणुकीत त्यांचा पराभव घडवून आणण्यापासून ते संविधान सभेत काम करताना मागासवर्गीयांच्या उन्नतीसाठी आणि सर्वांगीण विकासासाठी आवश्यक तरतुदी करण्यास काँग्रेसने अडथळे निर्माण केले.” त्यांनी काँग्रेसच्या या दृष्टिकोनावर तीव्र शब्दांत टीका केली.
भाजपाचे ध्येय : सामाजिक सलोखा आणि विकास
प्रदेश कार्यकारी अध्यक्ष रविंद्र चव्हाण यांनी सांगितले की, “संविधानाच्या निर्मितीमधून बाबासाहेबांनी देशाचा सर्वांगीण विकास आणि समाजातील प्रत्येक घटकाच्या उन्नतीचा मार्ग दाखवला. त्यांचे विचार पुढे नेत प्रत्येक घटकाचा विकास आणि सामाजिक सलोखा राखणे हे भाजपाचे ध्येय आहे. देश अखंड राहावा आणि जाती-धर्मात फूट पडू नये यासाठी भाजपा कटिबद्ध आहे. मात्र, विरोधक देशाबाहेरील आणि देशातील विघातक शक्तींना हाताशी घेऊन देशाच्या अखंडतेला बाधा पोहोचवत आहेत.” त्यांनी कार्यकर्त्यांना वाडी-वस्तीपर्यंत जाऊन बाबासाहेबांचे विचार आणि संविधानाप्रती भाजपाची बांधिलकी जनतेपर्यंत पोहोचवण्याचे आवाहन केले.
(हेही वाचा – Street Lights : मुंबईत ९५ टक्के रस्त्यांवरील पथदिव्यांचे रुपांतर एलईडीमध्ये)
१५ दिवसांचे अभियान, विविध कार्यक्रमांचे आयोजन
या ‘सन्मान अभियान’ अंतर्गत १३ ते २५ एप्रिल दरम्यान राज्यभरात विविध कार्यक्रमांचे आयोजन करण्यात येणार आहे. कार्यशाळेत या कार्यक्रमांची आखणी आणि चर्चा झाली. १३ एप्रिल रोजी राज्यभरातील डॉ. आंबेडकर यांच्या प्रतिमा, स्मृतीस्थळे आणि आसपासच्या परिसराची स्वच्छता केली जाईल. १४ एप्रिल रोजी डॉ. आंबेडकर यांच्या जयंतीनिमित्त ठिकठिकाणी अभिवादन कार्यक्रम आयोजित होणार आहेत. या अभियानाद्वारे बाबासाहेबांचा वारसा आणि संविधानाचे महत्त्व जनतेपर्यंत पोहोचवण्याचा भाजपाचा मानस आहे. (Arjun Meghwal)
सत्याचा प्रचार आणि विरोधकांचा खोटा प्रचार उघड
या कार्यशाळेत बाबासाहेबांचा सन्मान आणि संविधानाप्रती भाजपाची निष्ठा यावर प्रकाश टाकण्यात आला. विरोधकांचा खोटा प्रचार खंडित करून सत्य लोकांपर्यंत पोहोचवण्यासाठी कार्यकर्त्यांना प्रोत्साहन देण्यात आले. बाबासाहेबांच्या विचारांचा आणि संविधानाच्या मूल्यांचा प्रसार करत सामाजिक एकता आणि विकासाला चालना देण्याचा निर्धार यावेळी व्यक्त करण्यात आला.
हेही पहा –
Join Our WhatsApp Community