एकनाथ खडसे (Eknath Khadse ) यांनी शरद पवार (Sharad Pawar) यांची साथ सोडत भाजपमध्ये घरवापसी करत असल्याची घोषणा केली. मात्र त्यांचा पक्षप्रवेशाचा मुहूर्त काही अद्याप ठरलेला नाही. अशातच आता माझा पक्षप्रवेश झाल्याचे म्हणत ते सुनेच्या प्रचारासाठी मैदानात उतरलेत. पक्षाच्या वरिष्ठांनी आपल्याला प्रवेश झाल्यासारखे असल्याच सांगितले असल्याने आपण भाजपा उमेदवार रक्षाताई खडसे (Raksha Khadse) यांच्या प्रचारात सक्रिय झालो असल्याचे एकनाथ खडसे (Eknath Khadse ) यांनी स्पष्ट केले आहे.
रक्षाताई खडसे यांच्या प्रचारास सुरुवात
माजी मंत्री व जेष्ठ आमदार एकनाथराव खडसे (Eknath Khadse ) यांनी वरिष्ठांच्या सूचनेनुसार रावेर लोकसभेच्या भाजपा उमेदवार रक्षाताई खडसे यांच्या प्रचारास सुरुवात केली आहे. मंगळवारी त्यांनी यावल येथील भाजपा प्रचार कार्यालयास भेट देत कार्यकर्त्यांना सूचना देत आढावा घेतला. भाजपामध्ये प्रवेश करीत असल्याचे आमदार एकनाथराव खडसे (Eknath Khadse ) यांनी जाहीर केल्यानंतर अद्याप प्रचारात सक्रिय झाले नव्हते. मात्र दोन दिवसापासून प्रचारात सक्रिय झाल्याचे त्यांनी सांगितले.
नेमकं काय म्हणाले एकनाथ खडसे ?
मी (Eknath Khadse ) वरिष्ठांकडे माझ्या भाजप प्रवेशाबाबत सूचित केले होते. त्यानुसार भाजपाचे वरिष्ठ नेते विनोद तावडे तसेच चंद्रशेखर बावनकुळे यांना माझा प्रवेश कधी जाहीर करणार? असे त्यांना विचारले असता, त्यांनी प्रवेशाची तारीख कळवणार असल्याचे सांगून तुमचा प्रवेश झालेलाच आहे. बैठका घेण्यास व प्रवास करण्यास हरकत नाही, असे सांगितले. त्यानुसार मी गेल्या दोन दिवसापासून प्रचारात सक्रिय झालो असून यवला हे माझे प्रचारार्थ आठवे गाव असल्याचे त्यांनी सांगितले. (Eknath Khadse )
हेही पहा –
Join Our WhatsApp Community