राज्याचे उपमुख्यमंत्री एकनाथ शिंदे (Eknath Shinde) यांच्या उपस्थितीत गुरुवारी (१२ डिसेंबर) शिवसेनेच्या आजी-माजी खासदार आणि आमदारांसोबत मुंबई महापालिका (BMC) निवडणुकीसंदर्भात बैठक पार पडली. या बैठकीनंतर एकनाथ शिंदे यांनी माध्यमांशी संवाद साधला. मुंबईकरांना जशी मुंबई (Mumbai) पाहिजे तशी मुंबई देणार, असं ते म्हणाले आहेत. मुंबई महापालिकेवर महायुतीचा भगवा झेंडा फडकेल, असा विश्वास एकनाथ शिंदे (Eknath Shinde) यांनी व्यक्त केला.
हेही वाचा-दिल्ली दौऱ्यात CM Fadnavis यांनी वीर सावरकरांसह ‘या’ मूर्ती देऊन मान्यवरांच्या घेतल्या भेटीगाठी
एकनाथ शिंदे (Eknath Shinde) म्हणाले, “आजची बैठक मुंबई महापालिका निवडणुकीसाठी होती. विधानसभेची निवडणूक महायुतीने मोठ्या मताधिक्क्याने जिंकली. लँड स्लाईड व्हिक्टरी मिळाली. न भुतो, न भविष्यती असा विजय झालाय. मुंबईचा विकास करायचा आहे. गेल्या अडीच वर्षांत सरकारने काम केलंय. कोस्टल काम, अटल सेतू, मेट्रोचं उद्घाटन, बाळासाहेब ठाकरे आपला दवाखाना, बीएमसीच्या रुग्णालयात सुधारणा केल्यात. याचा थेट फायदा मुंबईकरांना झालाय.”
हेही वाचा-RAC प्रवाशांसाठी खुशखबर; भारतीय रेल्वेने दिली ‘ही’ सुविधा
“याचबरोबर, बंद पडलेले प्रकल्प सुरू करून पुढे नेण्याचे काम केलेलं आहे. हा जो काही विकासाचा भाग आहे, तो गेल्या १५ ते २० वर्षांमध्ये मुंबई महापालिकेच्या माध्यमातून ज्यांची सत्ता होती, त्यांनी ती कामे करायला हवी होती. परंतु दुर्दैवाने ती झाली नाही. मात्र आमचे सरकार आल्यावर अडीच वर्षांमध्ये आम्ही मुंबईमध्ये आमुलाग्र बदल झाला पाहिजे, यासाठी निर्णय घेतले. महालक्ष्मी रेसकोर्सवर सेंट्रल पार्क करण्याचा निर्णय आहे. मुंबईच्या विकास हा आमचा अजेंडा आहे. मुंबईतील खड्ड्यांचा प्रवास टाळण्यासाठी दोन फेजमध्ये आम्ही निर्णय घेतले. यामध्ये मेट्रोची, कोस्टल, अटल सेतू ही काम लोक पाहत आहेत. सुरक्षित मुंबई महिलांना द्यायची आहे. त्यासाठी ही निवडणूक लढवायची आहे.” (Eknath Shinde)
हेही वाचा-लालपरीचा प्रवास महागणार; ST ची भाडेवाढ करण्याचा प्रस्ताव शासनाकडे सादर
“पंतप्रधान नरेंद्र मोदी यांनीही म्हटले आहे की, मुंबई एक फिनटेक कॅपिटल झाली पाहिजे. यासाठी प्रयत्न सुरू असून मुंबई खऱ्या अर्थाने आर्थिक राजधानी आहेच, पण मुंबई हे देशाच पावर हाऊस होणं गरजेचं आहे. राज्य सरकार आणि केंद्र सरकार आपलं आहे, पण या सर्व गोष्टी करायच्या असतील तर महापालिकेत देखील महायुतीची सत्ता असणे आवश्यक आहे. तरच खऱ्या अर्थाने मुंबईचा विकास होईल. मुंबईकरांना अपेक्षित जी मुंबई आहे, ती देण्याचा प्रयत्न आम्हाला करता येईल. म्हणून त्याची जी काही तयारी आहे, त्यासाठी आजच्या बैठकीत चर्चा करण्यात आली.” अशी माहिती शिंदेंनी दिली आहे. (Eknath Shinde)
हेही पहा-
Join Our WhatsApp Community