प्रसिद्ध पुरातत्व शास्त्रज्ञ K K Muhammed म्हणतात, मुसलमानांनी काशी, मथुरा हिंदूंना द्यावीत

बाबरी मशिदीच्या ठिकाणी उत्खननाच्या वेळी महत्वाचे निष्कर्ष नोंदवलेले केके मोहम्मद यांनी आता मुसलमानांना काशी आणि मथुरा ही तीर्थस्थळे हिंदूंना देण्यात यावीत, त्यासाठी त्यांनी मोठे ह्रदय करावे. काशी आणि मथुराबाबत सुरू असलेल्या वादावर प्रसिद्ध पुरातत्वशास्त्रज्ञ केके मोहम्मद (K K Muhammed) यांनी महत्त्वपूर्ण विधान केले आहे.

काशी आणि मथुरा ही ठिकाणे हिंदूंच्या ताब्यात द्यावीत, कारण या ठिकाणांवर हिंदूंची अगाध श्रद्धा आहे. केके मोहम्मद (K K Muhammed) यांनी बाबरीचे उत्खनन करून रामजन्मभूमी मंदिराबाबत महत्त्वाचे निष्कर्ष काढले होते आणि त्या ठिकाणी एक प्राचीन मंदिर असल्याचे सांगितले होते. मुस्लिमांनीही काशी ज्ञानवापी आणि मथुरा श्रीकृष्णजन्मभूमी हिंदूंच्या ताब्यात द्यावे. त्यांनी एका कार्यक्रमात म्हटले आहे की, भारत आज धर्मनिरपेक्ष आहे, तो हिंदूंमुळेच आहे, येथे हिंदू बहुसंख्य आहेत, त्यामुळे देश धर्मनिरपेक्ष आहे. यासाठी मुस्लिमांचे आभार मानले पाहिजेत. ते म्हणाले की, मुस्लिम बहुसंख्य असते तर भारताची धर्मनिरपेक्षता टिकवणे कठीण झाले असते. स्वातंत्र्यानंतर मुस्लिमांसाठी पाकिस्तानची निर्मिती करण्यात आली, तर हिंदूंना भारत देण्यात आला, तरीही हिंदूंनी तो हिंदू देश बनवला नाही, तो धर्मनिरपेक्ष ठेवला आणि त्यासाठी मुस्लिमांनी कृतज्ञता व्यक्त केली पाहिजे, याची आठवणही त्यांनी करून दिली.

(हेही वाचा Amit Shah यांची राहुल गांधींवर सडकून टीका; म्हणाले, राहुलबाबाला MSP चा फुल फॉर्म माहिती आहे का ?)

केके मोहम्मद (K K Muhammed) यांनी राम मंदिर-बाबरी मशीद वादातही महत्त्वाची भूमिका बजावली, जेव्हा त्यांना बाबरी मशिदीच्या पश्चिमेकडील एका प्राचीन मंदिराचे अवशेष सापडले, तेव्हा ते अवशेष गुर्जरा-प्रतिहार घराण्याने 10व्या ते 11व्या शतकात बांधले असल्याचे त्यांनी सांगितले होते. ज्ञानवापी आणि शाही इदगाह मशिदी हिंदूंच्या ताब्यात देण्याची सूचनाही त्यांनी केली, हाच या समस्येवरचा एकमेव उपाय आहे. ते म्हणतात की सर्व धर्मगुरूंनी एकत्र येऊन या वास्तू हिंदू समाजाच्या ताब्यात द्याव्यात, कारण काशी, मथुरा आणि अयोध्या हिंदूंसाठी विशेष महत्त्वाच्या आहेत. मुस्लिमांना या ठिकाणांशी संलग्न असलेल्या मशिदींशी कोणतीही भावनिक ओढ नाही, असेही त्यांनी (K K Muhammed) नमूद केले. आणि ऐतिहासिक चुका सुधारण्यासाठी मुस्लिमांनी स्वतः पुढे यावे. वाराणसीतील श्रीकाशी विश्वनाथ मंदिर-ज्ञानवापी प्रकरण आणि मथुरेच्या श्रीकृष्ण जन्मभूमी-शाही ईदगाह मस्जिद प्रकरणात सातत्याने सुनावणी सुरू असून, या वादांमध्ये केके मोहम्मद (K K Muhammed) यांचे हे विधान महत्त्वाच्या चर्चेचा विषय बनले आहे. केके मोहम्मद प्रमाणेच इतिहासकार इरफान हबीब देखील मानतात की, काशी-मथुरा औरंगजेबाने पाडून तिथे मशिदी बांधल्या होत्या. याचे अनेक पुरावे असल्याचे इरफान हबीब सांगतात.