Dhananjay Munde यांची मंत्रीपद वाचवण्याची धडपड?

बीडमधील सरपंच संतोष देसमुख हत्या प्रकरणानंतर अन्न व नागरी पुरवठा मंत्री धनंजय मुंडे यांच्याभोवती घोंघावत असलेले वादळ अधिक गडद होत असल्याचे दिसू लागले आहे. मुंडे यांच्यावरही अनेक आरोप झाले. त्यांच्या राजीनाम्याची मागणी जोर धरू लागली असून मुख्यमंत्री देवेंद्र फडणवीस यांनी मुंडे यांच्या राजीनाम्याचा निर्णय घेण्याचा विषय अजित पवार यांच्यावर सोपवून बॉल राष्ट्रवादीच्या कोर्टात टाकला आहे. (Dhananjay Munde)

पुरव्यांचा पेन ड्राइव

भाजपाचे आमदार सुरेश धस यांनी फडणवीस सरकारच्या पहिल्यावहिल्या हिवाळी अधिवेशनापासूनच मुंडे यांना लक्ष्य केल्याचे दिसत आहे. त्यानंतर सामाजिक कार्यकर्त्या अंजली दमानिया यांनीही संतोष देशमुख यांनी अजित पवार यांची मुंबईत भेट घेऊन मुंडे यांच्याविरोधात पुरावे दिल्याचे पत्रकारांशी बोलताना सांगितले. तर धस यांनीही बीडचे पालकमंत्री म्हणून अजित पवार यांनी आयोजित केलेल्या बैठकीदरम्यान मुंडे यांच्यासंबंधी पुरावे असलेला पेन ड्राइव अजित पवार यांना दिल्याचे स्पष्ट केले.  (Dhananjay Munde)

(हेही वाचा- MMRDA साठी एकच परिवहन सेवा करण्याचा अभ्यास सुरु; वरिष्ठ अधिकाऱ्यांची समिती देणार अहवाल)

पवार यांची भूमिका अधिकृत

मुख्यमंत्री देवेंद्र फडणवीस यांनी राष्ट्रवादी कॉँग्रेस अध्यक्ष आणि उपमुख्यमंत्री अजित पवार यांच्याशी मुंडे यांच्या राजीनाम्याबाबत चर्चा केली असून ‘यासंदर्भात अजित पवार यांची भूमिका अधिकृत असेल,’ असे फडणवीस यांनी जाहीर केले आहे. (Dhananjay Munde)

मुक्काम भगवान गडावरच

धनंजय मुंडे गुरुवारी ३० जानेवारी २०२५ या दिवशी बीड गाठले आणि त्यांचे श्रद्धास्थान असलेल्या भगवान गडावर मुक्काम ठोकला. गुरुवारी रात्री मुंडे यांचा मुक्काम भगवान गडावरच असल्याची चर्चा आहे. त्यानंतर भगवान गडाचे महंत नामदेव शास्त्री महाराज यांनीही मुंडे यांना पाठींबा दर्शवला असून मुंडे यांना या प्रकरणात गोवले जात असल्याचे मत नामदेव शास्त्री यांनी व्यक्त केले.  (Dhananjay Munde)

(हेही वाचा- ladghar beach : डॉल्फिन सफारी करायची आहे? मग लाडघर बीचला भेट द्या!)

मंत्रीपद वाचवण्यासाठी धडपड

दरम्यान, धनंजय मुंडे यांचा लवकरच राजीनामा घेतला जाणार असल्याचा निर्णय जवळपास झाला असल्याचे सुत्रांकडून सांगण्यात आले. राजकीय वरदहस्त कमी पडल्याने आता भावनिक मार्गांनी मुंडे आपले मंत्रीपद वाचवण्यासाठी धडपड सुरू असल्याचे बोलले जात आहे. (Dhananjay Munde)

हेही पहा-