Lok Sabha Election : गुजरात काँग्रेसचे माजी प्रदेशाध्यक्ष अर्जुन मोढवाडिया भाजपात

राहुल गांधी यांची “भारत जोडो न्याय यात्रा” गुजरातमध्ये पोहोचण्याच्या एक दिवस आधी काँग्रेसला जबरदस्त धक्का बसला आहे. गुजरात काँग्रेसचे माजी आणि आमदार प्रदेशाध्यक्ष अर्जुन मोढवाडिया (Arjun Modhwadia) यांनी नुकताच भारतीय जनता पक्षात प्रवेश केला आहे. पोरबंदरचे आमदार अर्जुन मोढवाडिया यांनी काल सोमवारी दुपारी विधानसभेत पोहोचून आमदारकीचा राजीनामा दिला होता. आणि मंगळवारी (०५ मार्च) त्यांनी पंतप्रधान नरेंद्र मोदी (PM Narendra Modi) यांच्या धोरणावर विश्वास दाखवीत भाजपात प्रवेश केला. काँग्रेसचे ज्येष्ठ नेते भरतसिंह सोळंकी मोढवाडिया यांची समजूत काढण्याचे प्रयत्न करीत होते. परंतू त्यांना अपयश आले. (Lok Sabha Election)

काँग्रेसवर आरोप, पक्ष जास्त काळ टिकू शकत नाही

काँग्रेसचा राजीनामा दिल्यानंतर अर्जुन मोढवाडिया (Arjun Modhwadia) यांनी काल काँग्रेसवर जोरदार हल्ला चढविला. ते म्हणाले की, जेव्हा एखादा पक्ष जनतेशी संपर्क तुटतो तेव्हा तो पक्ष जास्त काळ टिकू शकत नाही. राम मंदिर व्हावे, अशी देशातील जनतेची इच्छा होती. सर्वोच्च न्यायालयाकडून घटनात्मक निर्णय आल्यानंतर आम्ही त्याला पाठिंबा देऊ, असा निर्धारही काँग्रेसने केला होता. तरीही अभिषेकचे आमंत्रण नाकारले गेले. (Lok Sabha Election)

तेव्हाही मी आवाज उठवला होता की यामुळे जनभावना दुखावल्या जातील आणि असे राजकीय निर्णय घेऊ नयेत आणि या निर्णयातून जनतेशी संबंध नसल्याचं दिसून येतं. इतर अनेक बाबींमध्येही मी माझे म्हणणे मांडण्याचा प्रयत्न केला, पण यश मिळू शकले नाही. अखेर आज मी राजीनामा देण्याचा निर्णय घेतला. २२ जानेवारीला अयोध्येतील राम मंदिरात झालेल्या अभिषेक सोहळ्याला उपस्थित न राहण्याच्या काँग्रेस हायकमांडच्या निर्णयावर अर्जुन मोढवाडिया (Arjun Modhwadia) नाराज होते. त्यांनी पक्षाविरोधात वक्तव्य केल्यापासून ते काँग्रेस सोडून भाजपामध्ये प्रवेश करणार असल्याची चर्चा सुरू झाली होती. (Lok Sabha Election)

(हेही वाचा – Veer Savarkar : पोर्ट ब्लेअर विमानतळावर टाळला जातो वीर सावरकरांचा उल्लेख; सुनील देवधर यांनी केली ‘ही’ मागणी)

अंबरीश डेर यांनी काँग्रेस पक्षाचा राजीनामा दिल्यापासून पोरबंदरचे आमदार अर्जुन मोढवाडियाही (Arjun Modhwadia) राजीनामा देऊ शकतात, अशी राजकीय चर्चा सुरू होती. अंबरीश डेर यांनी पक्ष सोडल्याची घोषणा करण्यापूर्वीच गुजरात प्रदेश काँग्रेसचे अध्यक्ष शक्तीसिंह गोहिल यांनी रविवारी सांगितले की, पक्षाने अंबरीश यांची पक्षातून सहा वर्षांसाठी हकालपट्टी केली आहे. काल अंबरीश डेर भाजपामध्ये प्रवेश करणार असल्याची चर्चा होती. आता या अटकळीला पूर्णविराम मिळाला आहे. अंबरीश यांनी आज काँग्रेसचा राजीनामा दिला आहे. (Lok Sabha Election)

हेही पहा –