गुजरात विधानसभा निवडणुकीच्या पार्श्वभूमीवर भारतीय जनता पक्षाचे राष्ट्रीय अध्यक्ष जगत प्रकाश नड्डा यांच्या हस्ते भाजपचा निवडणूक जाहीरनामा प्रदर्शित करण्यात आला. यावेळी नड्डा यांनी सत्ताधारी भाजपच्या कार्यावर आणि अन्य विषयांवर तसेच भाजपच्या जाहीरनाम्याबद्दल व्यापक माहिती दिली. या जाहीरनाम्यात भाजपने 20 लाख तरुणांना रोजगार, 2 एम्स स्तरावरील संस्थांची स्थापना आणि 10 लाखांचा आरोग्य विमा यासह अनेक मोठी आश्वासने दिली. यावेळी गुजरातचे मुख्यमंत्री भूपेंद्र पटेल, गुजरात अध्यक्ष सीआर पाटील भाजपचे अन्य नेते प्रामुख्याने उपस्थित होते.
(हेही वाचा – वाह…क्या बात है! ISRO ने एकाच वेळी अंतराळात सोडले 9 उपग्रह)
#GujaratElections2022: For the progress of Gujarat, we will make Gujarat's economy equal to that of a 1 trillion economy by making the state a foreign direct investment destination: BJP national president JP Nadda pic.twitter.com/F8pHq4MbPp
— ANI (@ANI) November 26, 2022
यावेळी बोलताना जगत प्रकाश नड्डा म्हणाले की, गुजरातच्या प्रगतीसाठी आम्ही राज्याला थेट परकीय गुंतवणुकीचे केंद्र बनवून तसेच गुजरातची अर्थव्यवस्था 1 ट्रिलियनच्या अर्थव्यवस्थेच्या बरोबरीने करू. ते पुढे म्हणाले की, संभाव्य धोके ओळखण्यासाठी आणि दूर करण्यासाठी आम्ही कट्टरताविरोधी दल तयार करू आणि दहशतवादी संघटना आणि भारतविरोधी शक्तींचे स्लीपर सेल तयार करू. त्यांनी असेही आश्वासन दिले की, सार्वजनिक मालमत्तेच्या नुकसानीबाबतही कायदा करणार असून सार्वजनिक मालमत्तेचे नुकसान करणाऱ्या आणि खासगी मालमत्तेवर हल्ला करणाऱ्या समाजकंटकांकडून वसुलीसाठी हा कायदा असेल. जगत प्रकाश नड्डा यांनी नमूद केले की, गुजरात राज्यात समान नागरी संहिता समितीच्या शिफारशींची पूर्ण अंमलबजावणी सुनिश्चित करू.
ट्वीटरद्वारे नड्डा म्हणाले की, गुजरात विधानसभा निवडणुकीसाठी भाजपचे संकल्प पत्र प्रदर्शित केले. ही बाबा सोमनाथ यांची पावन धरा, गुजरात सांस्कृतिक गौरव आणि ऐतिहासिक विकासाला नूतन आयाम देत राष्ट्रवादाची प्रेरणा,अंत्योदय दर्शन व सुशासन या मंत्रांनी विकसित गुजरात चे स्वप्न साकार होईल.
Join Our WhatsApp Community