मुंबई महानगर पालिकेतील शिवसेनेचे नेते आणि स्थायी समितीचे अध्यक्ष यशवंत जाधव यांच्या घरावर आयकर विभागाच्या (आयटी) पथकाने सलग तिसऱ्या दिवशीही शोधमोहीम सुरूच ठेवली. या पथकाने 27 फेब्रुवारी रोजी शिवसेना नेत्याच्या घरातून 2 कोटी रुपये जप्त केले आहेत. 27 फेब्रुवारी रोजी आयकर विभाग पथकाने येथून दोन बॅग भरून कागदपत्रे आणि इतर इलेक्ट्रॉनिक पुरावे जप्त केले होते. आतापर्यंत आयकर विभाग पथकाने येथे छापेमारीचा तपशील प्रसारमाध्यमांना दिलेला नाही.
(हेही वाचा – ‘मनसे विद्यार्थी सेने’ला मिळाले नवे ‘गुरुजी’! मराठी भाषा गौरव दिनी पक्षाचा मोठा निर्णय)
25 फेब्रुवारीला सकाळी 6 वाजता आयकर विभागाची टीम शिवसेना नेते यशवंत जाधव यांच्या मुंबईतील माझगाव येथील घरी पोहोचली. त्यानंतर सलग तिसऱ्या दिवशी त्याच्या घरी आयकर विभागाचे सर्च ऑपरेशन सुरू आहे. आयकर विभाग पथकाने यशवंत जाधव यांच्या जवळचे स्थानिक शिवसेना संघटना सचिव विजय लिंचरे आणि यशवंत जाधव यांचा मुलगा निखिल जाधव यांच्या घरांचीही झडती घेतली आहे.
यापूर्वी नोटीस बजावली
या प्रकरणाचा तपास करण्यापूर्वी आयकर विभाग पथकाने यशवंत जाधव यांना नोटीस बजावून उत्तर मागितले होते. जाधव यांच्या जबाबावर शंका घेतल्यानंतर आयकर विभाग पथकाने २५ फेब्रुवारीपासून त्यांच्या घराची सतत झडती घेतली होती.
किरीट सोमय्या यांचा आरोप
भारतीय जनता पक्षाचे प्रदेश उपाध्यक्ष किरीट सोमय्या यांनी शिवसेना नेते आणि मुंबई महापालिकेचे स्थायी समिती अध्यक्ष यशवंत जाधव यांच्यावर १५ कोटींचा घोटाळा करून ही रक्कम हवालाद्वारे अरब देशात पाठवल्याचा आरोप केला होता. तसेच ते असेही म्हणाले की, BMC फंड कलेक्टर आणि शिवसेनेचे फिक्सर आणि यशवंत जाधव विमल अग्रवाल हे बुलेट प्रूफ जॅकेट घोटाळ्याचे सट्टेबाज आहेत. त्याच्या घरावरही आयकर छापे टाकले जात आहेत.
BMC Fund Collector & Fixer Of Shivsena & Yashwant Jadhav Vimal Agarwal is bookie, scamster of bullet proof jacket scam. Income Tax Raids are going on at his premises also. @BJP4India @
— Kirit Somaiya (@KiritSomaiya) February 27, 2022